Víctor Morelli

Víctor Morelli Sánchez-Gil, nado na Coruña o 19 de setembro de 1860 e finado en Madrid o 20 de abril de 1936, foi un oficial da Garda Civil e pintor galego de temática militar (batallas e retratos).

Víctor Morelli

Biografía
Nacemento	19 de setembro de 1860 A Coruña, España
Morte	20 de abril de 1936 (75 anos) Madrid, España
Actividade
Ocupación	pintor, garda civil
Sinatura

Traxectoria

O seu pai, Vicenzo Morelli Bartolami, era de ascendencia italiana e foi cantante de ópera, e a súa nai, Pastora Sánchez-Gil Taboada, coruñesa, que tamén era unha fervente afeccionada da música. Víctor ingresou en 1878 como soldado no Rexemento de Infantaría Asia Nº 59, para pasar despois á Academia de Infantería de Toledo. Aos catro anos ascendeu a alférez, sendo o seu primeiro destino Barcelona, onde estudou debuxo e pintura no taller de Jose Serra Porsón.

Cando chegou destinado a Madrid seguiu os estudos no Círculo de Bellas Artes, formando parte do grupo de copistas do Museo Nacional del Prado. Tamén viaxou por Italia. Sabía tocar o piano e o violín e tiña voz de barítono. Veraneaba na súa casa de Almeiras, Culleredo. En 1887 solicitou o pase á Garda Civil co grao de tenente primeiro, chegando a ser coronel en activo e xeneral inspector honorario do corpo ao pase á situación de reserva.

Teñen obra súa, entre outras institucións, o Museo do Prado,^[1] o Museo de Belas Artes da Coruña,^[2] a Academia de Cabalería de Valladolid, o Museo de Intendencia de Ávila,^[3] o Museo do Exército e o Museo Militar Rexional da Coruña.

Galería de imaxes

• 
  Batalla de Castellfollit ,^[4] Academia de Artillería.
• 
  Batalla de Treviño,^[5] 1897, Academia de Cabalería.
• 
  Defensa dun convoi, 1901, Museo de Intendencia de Ávila.^[3]
• 
  Alfonso XIII, ca. 1910, Museo do Prado.
• 
  Alfonso XIII, ca. 1910, Museo do Prado.
• 
  Rocroi,^[6] ca. 1912, Museo de Belas Artes da Coruña.
• 
  Retrato de José Cavalcanti, 1926.

Notas

1. Museo Nacional del Prado (en castelán).
2. Víctor Morelli Sánchez Gil no Museo de Belas Artes da Coruña
3. Guío Castaños; Guío Martín (2007). El Palacio de Contreras y la Academia de Intendencia en Ávila (en castelán). Fundación Sánchez-Albornoz. pp. 159–161. ISBN 978-84-611-9741-5.
4. A Batalla de Castellfollit tivo lugar en 1874, na Terceira guerra carlista.
5. A Batalla de Treviño tivo lugar en 1875, na Terceira guerra carlista.
6. A Batalla de Rocroi tivo lugar en maio de 1643, na Guerra dos Trinta Anos.

Véxase tamén

Bibliografía

• Bugallal, José Luis (1971). "La pintura militar de Víctor Morelli". Abrente (en castelán) (A Coruña: RAGBA) (3): 33–58.
• Costa Clavell, Xavier (1981). Plástica Gallega (en castelán). Caja de Ahorros Municipal de Vigo. p. 15. ISBN 84-7231-603-3.
• Martínez Vilanova, F. (1998). A pintura galega (1850-1950). Escola, Contextualización e Modernidade. Xerais. ISBN 978-84-8302-271-9.
• Real Pingarrón, José María (2017) "Morelli. Pintor de batallas y generales" Arquivado 28 de xaneiro de 2020 en Wayback Machine. Asociación Amigos del Museo de Getafe (en castelán).

Wikimedia Commons ten máis contidos multimedia na categoría:  Víctor Morelli

Ligazóns externas

• Bibliografía en pintoresgallegos.com
• Esteban Laguardia, Luís Miguel (2/4/2010) "Víctor Morelli, militar y pintor" Espacio Cusachs.