From Wikipedia, the free encyclopedia
O Fondo das Nacións Unidas para a Infancia, máis coñecido como UNICEF foi creado pola Asemblea Xeral das Nacións Unidas o 11 de decembro de 1946 co nome de Fondo Internacional de Emerxencia das Nacións Unidas para a Infancia, tiña como misión atender as necesidades dos nenos e nenas na China e Europa tras a segunda guerra mundial e cando a ONU decidiu en 1953 que tivera tempo indefinido mudou o seu nome para o actual. A súa sede central está en Nova York e colabora cos países en desenvolvemento para procurar o benestar infantil. En 1965 foille concedido o Premio Nobel da Paz
| UNICEF | |
|---|---|
 | |
 | |
| Acrónimo | UNICEF |
| Tipo | organização estabelecida pelas Nações Unidas |
| Data de fundación | 11 de decembro de 1946 |
| Fundador(es) | Asemblea Xeral das Nacións Unidas e Ludwik Rajchman |
| Presidente/a | Catherine M. Russell (pt)  (2022-)  |
| Director/a | Catherine M. Russell |
| Organización matriz | Asemblea Xeral das Nacións Unidas e Consello Económico e Social das Nacións Unidas |
| Organización subsidiaria | UNICEF Canada e Polish National Committee for UNICEF |
| Premios | Premio Nobel da Paz, Children of the Earth, Premio Indira Gandhi, Premio Príncipe de Asturias da Concordia, Wateler Peace Prize e DZI Seal-of-Approval |
| Sede | Nova York |
| País | Estados Unidos de América |
| Na rede | |
| https://www.unicef.org/ | |
       | |
| [ editar datos en Wikidata ] | |
Primeiro foi coñecido como UNICEF, acrónimo de United Nations International Children's Emergency Fund (en galego, Fondo Internacional de Urxencia das Nacións Unidas para a Infancia). En 1953, UNICEF convértese en organismo permanente dentro do sistema de Nacións Unidas, encargado de axudar os nenos e protexer os seus dereitos. O seu nome foi reducido a fondo das Nacións Unidas para a Infancia (United Nations Children's Fund), pero mantívose o acrónimo UNICEF polo que é coñecido ata agora.
Outorgóuselle o Premio Nobel da Paz en 1965 e o Premio Princesa de Asturias da Concordia en 2006.
A UNICEF axuda principalmente en zonas de extrema pobreza, en África e outras latitudes do mundo. Está enfocada principalmente en 5 prioridades:
As áreas de acción da UNICEF inclúen desenvolvemento da nenez temperá, desenvolvemento na adolescencia, e participación nos patróns de vida baseándose na educación.
UNICEF foi obxecto de críticas pola súa promoción do aborto.[Cómpre referencia] A Igrexa católica achegaba ata o ano 1996 unha suma simbólica destinada a promover o apoio entre os católicos, esta colaboración foi interrompida debido ao constante apoio de UNICEF a campañas promotoras do aborto e en especial debido unha distribución de substancias abortivas en Ruanda e na República Democrática do Congo nese ano.
Emprende intervencións avaladas para mellorar a vida de todas as persoas, incluíndo a nenos. A educación dos mozos e mulleres redunda en importantes beneficios para as presentes e futuras xeracións.
O obxectivo da UNICEF na educación, é levar a escola a máis nenas, asegurándose da súa permanencia e que dispoñan dos equipamentos básicos adecuados necesarios para a súa vida posterior.
Os esforzos son constantes no sentido de asegurar a cada nena e neno do mundo o dereito que teñen á educación. A estratexia de aceleración na matriculación das nenas efectuouse en polo menos 25 países durante o período 2002-2007
A inmunización é materia directa na cal intervén a UNICEF, dentro da cal incluíu melloras na saúde dos nenos e nenas do mundo, polo menos durante os últimos 20 anos.
A pesar disto, todos os anos morren máis de 2 millóns de meniños e meniñas por enfermidades que puideron terse prevido pola aplicación oportuna de vacinas económicas. Tamén UNICEF axuda a educación profesional gratis.
En 2006, UNICEF pactou co Futbol Club Barcelona o patrocinio da súa camiseta. Outros equipos que asinaron contrato son Real Betis Balompié, Chelsea F.C., Boca Juniors, Milán, Tigres de México, o Alianza Lima do Perú e o Algeciras Balonmano.
 |
Wikimedia Commons ten máis contidos multimedia na categoría: UNICEF |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
