From Wikipedia, the free encyclopedia
Roberto Rodríguez Ozores Fernández, nado en Pontevedra o 6 de febreiro de 1918 e finado en Vigo en agosto de 2007[1], foi un deportista e adestrador de fútbol galego.
Biografía | |
---|---|
Nacemento | 6 de febreiro de 1918 ![]() Pontevedra, España ![]() |
Morte | agosto de 2007 ![]() Vigo, España ![]() |
Datos persoais | |
País de nacionalidade | España ![]() |
Actividade | |
Ocupación | deportista ![]() |
Lingua | Lingua castelá ![]() |
Como deportista foi campión e recordman de España de péntatlon e décatlon, campión de España de ximnasia deportiva e campión mundial de fútbol universitario. Tamén foi seleccionado con dezaoito anos para participar na chamada Olimpíada Vermella, que como alternativa á presidida por Hitler en Berlín, se organizara en Barcelona en xullo de 1936 pero que a Guerra Civil impediu que se disputase.
Tiña un currículo como técnico deportivo moi extenso: contaba cos títulos de adestrador de fútbol, natación, atletismo, balonmán, baloncesto e voleibol. Foi xefe de deportes do distrito universitario de Santiago de Compostela e nos anos cincuenta adestrador e preparador físico de Celta de Vigo, Deportivo da Coruña e Pontevedra CF ademais de asesor de adestradores da Selección española de fútbol como Teus, Pedro Escartín, Gabilondo, Melcón e Villalonga.
Agás breves períodos de tempo, como a tempada 1957-58 na que foi preparador físico de Deportivo, sempre estivo unido ao Celta de Vigo.
Na tempada 1951-52, e ante os malos resultados, a Xunta Directiva do Celta, a excepción do presidente Faustino Álvarez, presenta a súa dimisión, a esta tamén se uniu a dimisión do adestrador, Pasarín.
Nesta difícil situación e co equipo penúltimo o presidente nomea adestradores a Roberto Ozores e a Yayo, quen conseguiron facer unha segunda parte do campionato impecábel colocando ao equipo na novena posición e evitando o descenso.
Ao finalizar esa tempada Ozores volveu facerse cargo da preparación física e da asesoría deportiva.
Morreu nun accidente de tráfico.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.