Rúa do Orzán

A rúa do Orzán é unha rúa da Coruña que atravesa a zona homónima do barrio da Pescaría.^[1]

Rúa do Orzán
Tipoloxía	rúa
Dimensións
Lonxitude	0,71 km
Localización
Inicio	Praza do pintor Sotomayor
Fin	Praza de Pontevedra

Tamén reciben o nome Orzán as rúas Travesía do Orzán e Pasadizo do Orzán.

Historia

A rúa xa aparece con ese nome nun plano de 1819.^[2] A partir do século XIX situáronse varias fábricas na zona.^[3]

Ao final da rúa existía unha explanada na que había un lavadoiro,^[2] e que en 1929 se bautizou como rúa do Comandante Fontanes.^[4]

Dende 2008 celébrase un mercado para rehabilitar a zona^[5] e en 2010 pechouse ao tráfico unha parte da vía.^[6]

Datos de interese

Placa no lugar de nacemento de Salvador de Madariaga.

No número 16 unha placa lembra o lugar de nacemento de Salvador de Madariaga.^[7]

No número 57 sitúase o Círculo de Artesáns, que ten entrada principal pola rúa de Santo André.^[8]

Arquitectura

Na rúa do Orzán consérvanse algúns edificios destacados:^[9]

• Nº 21, antigas escolas municipais, de Pedro Mariño (1916)^[10]
• Nº 53, de Juan de Ciórraga (1921)
• Casa de Santiago López, de Antonio Tenreiro e Peregrín Estellés (1934), no cruzamento coa rúa do Sol
• Nº 55, 66, 137, 141, 151 e 194, de Eduardo Rodríguez-Losada, entre 1922 e 1933
• Nº 163, de Leoncio Bescansa (1924)
• Nº 8, edificio modernista de Julio Galán Carvajal (1909), coñecido como a casa dos elefantes pola súa decoración.^[11]
• Nº 54-56, de Antonio Tenreiro e Peregrín Estellés (1935)
• Nº 96, de Pedro Mariño (1927)
• Nº 176-178, de Antonio Tenreiro e Peregrín Estellés (1932)
• Nº 196, de Leoncio Bescansa (1918)

Galería

• 
  Antigas escolas municipais
• 
  Casa dos Elefantes (n.º 8)
• 
  N.º 53
• 
  N.º 54-56
• 
  N.º 55
• 
  N.º 96
• 
  Casa de Santiago López

Notas

1. Estudos previos
2. García López, Alfonso (2009). Calles con historia (en castelán). A Coruña: Espacio Cultura. ISBN 978-84-938089-1-4.
3. Bello, José María; Barral, Dolores; Saavedra, Mª Carmen; De Artaza, Manuel Mª; Colino, Ana; Grandío, Emilio (2001). Historia de A Coruña. Vía Láctea Editorial. ISBN 84-89444-85-4.
4. Padín 1997, p. 79
5. El Orzán da sus primeros pasos como Soho coruñés (en castelán)
6. El Orzán ya es peatonal (en castelán)
7. Comienza en La Coruña la conmemoración de los 100 años del nacimiento de Salvador de Madariaga (en castelán)
8. Padín 1997, p. 80
9. "Modificación Pepri – Aprobación definitiva". Concello da Coruña. xaneiro de 2015. Consultado o 13 de febreiro de 2016.
10. "Tabacos súmase aos edificios da cidade con letreiros tramposos". Arquivado dende o orixinal o 02 de agosto de 2017. Consultado o 02 de agosto de 2017.
11. "Edificios modernistas". Arquivado dende o orixinal o 02 de agosto de 2017. Consultado o 02 de agosto de 2017.

Véxase tamén

A Galipedia ten un portal sobre: A Coruña

Bibliografía

• Padín Panizo, Ángel (1997). La Coruña: sus barrios y sus calles. Biblioteca Coruñesa (en castelán). Vía Láctea Editorial. ISBN 8489444293.