Rúa de Juan Flórez (A Coruña)
rúa da Coruña From Wikipedia, the free encyclopedia
A rúa de Juan Flórez é unha rúa da Coruña. Serviu de tradicional saída da cidade, bordeando o Primeiro Ensanche.
| Rúa de Juan Flórez | |
|---|---|
 Inicio da rúa de Juan Flórez | |
| Tipoloxía | rúa |
| Dimensións | |
| Lonxitude | 0,95 km |
| Formato | dous carrís en cada sentido mais beiravía e beirarrúa |
| Localización | |
| Inicio | Praza de Pontevedra |
| Fin | Avenida de Alfonso Molina |
| Localidade | A Coruña |
| Circulación | |
| Tránsito | Peonil e rodado |
Confluencias principais
| |
Está situada entre a praza de Pontevedra e a avenida de Alfonso Molina.
A rúa era coñecida como Estrada de Castela e Camiño Novo e xa nos planos do século XVIII aparecía o seu trazado. O nome actual recibiuno en 1900 como homenaxe a Juan Flórez, alcalde da cidade a mediados do século XIX.
Ata a década de 1930 conservou árbores na marxe esquerda, que viñan da época de Carlos III.[1]
Na rúa estivo situado ata 1968 o Leirón do Sporting Club Casino, onde se organizaban verbenas,[2][3] e, entre 1920 e 1969, o Salón Doré.[4] Tamén estivo a fábrica da importante industria téxtil La Primera Coruñesa, que tiña unha alta cheminea.[5][6]
Paralelo á praza do Libro estaba o Colexio Dequidt, institución laica de ensino, que desapareceu na década de 1960[1] e dende 1915 atópanse na rúa as Escolas Labaca.[7]
Dos chalés que houbo na rúa de Juan Flórez só perdura o Chalé Escudero. Porén, consérvanse algúns edificios destacados, algúns deles catalogados:[8]
- Edificio de esquina na rúa de Francisco Mariño, nº 1, de Eduardo Rodríguez-Losada Rebellón (1926)
- Nº 37, 79-87, 91 e 95 (1923-1951)
- Nº 47, de Carlos Meijide (1970-1973), edificio de formigón emparentado co veciño Edificio Pou, de Miguel Fisac, construído sobre os chalés de Fariña.[1][9]
- Nº 59-69 (1943-1951)
- Nº 2-12 (1915-1987)
- Nº 28, de Ramón Vázquez Molezún e Gerardo Salvador Molezún (1966)
- Nº 36. Torre Dorada, de Milagros Rey Hombre
- Nº 58. Edificio Trébol, de Carlos Meijide (1971-1975), rañaceos que foi construído sobre o Chalé Molezún.[1]
- Nº 64-66. Edificio Vázquez, de Antonio Vicéns Moltó (1946), con influencias do expresionismo arquitectónico dos anos 30.[10]
- Nº 72-78, 132-134 e 148 (1927-1972)
- Torre Galicia, de Manuel Gallego Jorreto (1968-1971)[11]
- Nº 116. Escolas Labaca, de Leoncio Bescansa (1912-1915), con estilo entre o modernismo e o neogótico.[7]
Nº 47.
Torre Dourada.
Edificio Trébol
Edificio Vázquez
Torre Galicia
Placa da rúa
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
