From Wikipedia, the free encyclopedia
A pirotecnia[1] é a ciencia ou arte que emprega o lume e outras substancias e artefactos explosivos ou combustíbeis para producir luces, gases, fume, calor ou son. O nome procede da unión das palabras gregas pur ("lume") e tekné ("arte" ou "técnica").[2] A pirotecnia inclúe os fogos de artificio, paus de fósforo, dispositivos pirotécnicos para accionar asentos exectores,[3] para inflar o sistema de airbags[4] ou mesmo para balizamento e emerxencias de embarcacións no mar mediante foguetes sinalizadores, sinais de fume etc.[5]
A pirotecnia xurdiu como consecuencia da invención da pólvora. Non se sabe exactamente cando se iniciou a produción ou utilización da pirotecnia debido á falta de documentación e rexistros históricos. Porén, algúns dos seus primeiros indicios foron entre os chineses, indios e exipcios, que ensinaron aos gregos e posteriormente aos romanos. A pirotecnia era utilizada para fins militares e conmemorativos, permanecendo así durante anos.[2][6]
Contra os séculos XI e XII, os árabes volveron empregar a pirotecnia, desta vez con mesturas incendiarias novas, agregando o seu coñecemento con sales e minerais que producían cores ou luces máis intensas cando se queimaban xunto coa pólvora.[6][7] Nese mesmo período, por volta de 1232, xurdiron rexistros de que os romanos e os mongois utilizaran frechas foguetes nas guerras, ademais de rexistros de venda de pólvora en países como Bélxica, Inglaterra e Escocia nos anos 1313 e 1327.[8]
Entre 1630 e 1850, os fogos de artificio popularizáronse e comezaron a desenvolverse de xeito similar aos actuais. Claude F. Ruggieri está considerado o pai dos fogos coloridos, tendo escrito o libro Elemens de Pyritechnie en 1811, en que ensinaba as súas técnicas e experiencias con outros compostos químicos para a fabricación de fogos de artificio. En 1878 patentouse a primeira pistola sinalizadora, coñecida como Very Pistol.[8]
A pirotecnia serviu de base para a industria dos fogos de artificio, para a industria bélica, para a pirotecnia militar e até mesmo para o desenvolvemento de foguetes espaciais e tecnoloxías variadas utilizadas para fins civís e militares.
O uso de artefactos pirotécnicos, fogos de artificio e dispositivos para xerar chamas, faíscas ou efectos explosivos como entretemento é común en espectáculos e concertos, musicais, gravacións de series e filmes ou festivais dos tipos máis variados. Os artefactos empregados son seguros en interior.[9]
Bandas e artistas como Rammstein, KISS, Pink Floyd, Sabaton, Nightwish, Green Day, Lordi, entre outras, empregan efectos pirotécnicos nas súas presentacións con frecuencia. Tamén se empregan en eventos deportivos como as loitas da WWE, inauguracións e peches de competicións de fútbol e entregas de premios destes eventos.
Debido ao feito de que estes efectos se empregan moitas veces en lugares pechados ou próximos ao públicos, os produtos destinados a estes usos non poden ter risco de incendio, polo que xeralmente se producen con materiais alternativos como a nitrocelulosa.[9]
Os espectáculos pirotécnicos son espectáculos realizados a ceo aberto coa utilización de fogos de artificio. En xeral realízanse para conmemorar algunha data ou evento específico.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
