Os xirasoles

Doce xirasoles nunha xerra ; da colección ; Os xirasoles.
Artista	Vincent van Gogh
Data	1888
Técnica	óleo sobre lenzo Postimpresionismo;
Dimensións	91 cm cm × 72 cm
Localización	Neue Pinakothek (Múnic)

Os xirasoles (francés: Les Tournesols, neerlandés: Zonnebloemen) é unha serie de cadros ao óleo realizados polo pintor holandés Vincent van Gogh. Da serie hai tres cadros semellantes con catorce xirasoles nunha xerra, dous con doce xirasoles, un con tres e outro con cinco.

Datos rápidos Doce xirasoles nunha xerra da colección, Artista ...

Pechar

Van Gogh pintou os primeiros catro cadros en agosto de 1888, cando moraba en Arles, no sur de Francia, e outros tres semellantes en xaneiro do ano seguinte. As pinturas están todas executadas en lenzos de arredor de 90 x 70 cm. Disque en Arles, o pintor "descubriu" o sentido da cor e da luz^[1] Doce xirasoles nunha xerra é considerada unha das mellores e máis famosas obras do pintor e considérase o culminar de todo este efecto na súa obra. É unha das teas máis famosas do mundo e está hoxe exposta na Neue Pinakothek, en Múnic (Alemaña).

Usou un pigmento nos seus xirasoles, o amarelo de cromo ou cromato de chumbo, ao que deben a súa misteriosa e enigmática cor.

A descomposición do cromato de chumbo polo efecto da exposición á luz converteu o amarelo brillante orixinal nun ton pardo averdado.^[2]

Vaso con tres xirasoles (agosto de 1888). Colección particular, Estados Unidos de América.
Vaso con cinco xirasoles (agosto de 1888). Destruído polo lume durante a Segunda Guerra Mundial o 6 de agosto de 1945.^[3]
Vaso con quince xirasoles (agosto de 1888). National Gallery, Londres, Inglaterra.
Vaso con doce xirasoles (xaneiro de 1889). Philadelphia Museum of Art, Filadelfia, Estados Unidos de América.
Vaso con quince xirasoles (xaneiro de 1889). Museo Van Gogh, Ámsterdam, Países Baixos.
Vaso con quince xirasoles (xaneiro de 1889). Sompo Japan Museum of Art, Toquio, Xapón.