Ocho apellidos vascos

Ocho apellidos vascos é un filme español dirixido por Emilio Martínez-Lázaro, con guión de Borja Cobeaga e Diego San José, protagonizada por Clara Lago, Dani Rovira, Carmen Machi e Karra Elejalde. Estreouse en España o 14 de marzo de 2014.

Ocho apellidos vascos
Ficha técnica
Título orixinal	Ocho apellidos vascos
Director	Emilio Martínez-Lázaro
Guión	Borja Cobeaga Diego San José
Intérpretes	Clara Lago Dani Rovira Carmen Machi Karra Elejalde Alfonso Sánchez
Música	Fernando Velázquez
Fotografía	Gonzalo F. Berridi Juan Molina
Estudio	Lazonafilms / Kowalski Films / Telecinco Cinema
Estrea	14 de marzo de 2014
Duración	98 minutos
Orixe	España
Xénero	Comedia
Orzamento	€3 000 000 [1][2]
Recadación	$77 298 155[3]
Filme seguinte	Ocho apellidos catalanes
Na rede

Sinopse

Rafa (Dani Rovira), un sevillano que nunca saíu de Andalucía, decide abandonar a súa terra natal para seguir a Amaia (Clara Lago), unha moza vasca que a diferenza doutras mulleres que coñeceu se resiste ás súas técnicas de sedución. Para conseguilo, e en contra dos consellos dos seus amigos, decide viaxar á vila da súa pretendida, no corazón abertzale do País Vasco. Unha serie de malentendidos levarán ao mozo sevillano a ter que facerse pasar por un auténtico vasco con oito apelidos, e ir enredándose cada vez máis no personaxe que creou para lograr os seus propósitos.

Personaxes

• Clara Lago como Amaia
• Dani Rovira como Rafa
• Carmen Machi como Merche
• Karra Elejalde como Koldo
• Alberto López como Joaquín
• Lander Otaola como Borroka
• Aitor Mazo como Padre Naxio
• Abel Mora como Pedro
• Alfonso Sánchez como Curro
• Aitziber Garmendia como Iratxe
• Miriam Cabeza como Edurne
• Los del Río como eles mesmos

Recepción

Na súa primeira fin de semana a produción reuniu 404.020 espectadores xerando 2,72 millóns de euros de recadación.^[4] Eses datos sitúana entre as mellores quince estreas da historia do cine español.^[5] Na súa segunda fin de semana a produción aumenta a recadación case un 56% respecto á fin de semana anterior só superado por dúas superproducións: O Imposible e Avatar con 4,4 millóns en só 10 días.^[6]

Premios e candidaturas

XXIX edición dos Premios Goya

Categoría	Candidato	Resultado
Mellor actriz secundaria	Carmen Machi	Gañadora
Mellor actor secundario	Karra Elejalde	Gañador
Mellor actor revelación	Dani Rovira	Gañador
Mellor canción orixinal	No te marches jamás Fernando Velázquez	Nomeada
Mellor fotografía	Kalo Berridi	Nomeado

Medallas do Círculo de Escritores Cinematográficos

Categoría	Candidato	Resultado
Mellor Actor Revelación	Dani Rovira	Gañador[7]
Mellor Actor de Elenco	Karra Elejalde	Gañador[7]

Notas

1. "'Ocho apellidos vascos' es ya la película española con más espectadores" (HTML). La Vanguardia. 27 de abril de 2014. Consultado o 23 de agosto de 2015.
2. "'Ocho apellidos' ya gana a 'Lo imposible' en espectadores" (HTLM). El Mundo. 21 de abril de 2014. Consultado o 23 de agosto de 2015.
3. boxofficemojo.com (IMDB) (1 de agosto de 2014). "Ocho apellidos vascos (2014)". Consultado o 18 de agosto de 2014.
4. ElCorso. "Ocho apellidos vasco coge la ola de Lo Imposible". Consultado o 17 de marzo de 2014.
5. El Correo. "Ocho apellidos vascos revienta la taquilla". Consultado o 17 de marzo de 2014.
6. http://cultura.elpais.com/cultura/2014/03/24/actualidad/1395663646_520785.html ‘Ocho apellidos vascos’ duplica su taquilla en su segundo fin de semana
7. "Ocho Medallas del CEC para La isla mínima". Academia de cine. Consultado o 7 de febreiro de 2015.

Véxase tamén

Ligazóns externas

• Ocho apellidos vascos na IMDb (en inglés).