Ludwig Boltzmann

Ludwig Eduard Boltzmann, nado en Viena o 20 de febreiro de 1844 e finado en Duino o 5 de setembro de 1906, foi un físico austríaco coñecido por ser, xunto con James Clerk Maxwell, pai da Distribución de Maxwell-Boltzmann na que se basea a Teoría cinética dos gases; a cal sería a primeira teoría enmarcada na disciplina da mecánica estatística.

Ludwig Boltzmann

Biografía
Nacemento	(de) Ludwig Eduard Boltzmann 20 de febreiro de 1844 Viena (Imperio Austríaco)
Morte	5 de setembro de 1906 (62 anos) Duino-Aurisina (Imperio Austrohúngaro)
Causa da morte	suicidio, enforcamento
Lugar de sepultura	Cemiterio central de Viena
Residencia	Imperio Austríaco
Educación	Universidade de Viena
Director de tese	Josef Stefan
Actividade
Campo de traballo	Física teórica
Lugar de traballo	Viena Múnic Graz Leipzig
Ocupación	físico, matemático, filósofo, profesor universitario, químico, físico teórico
Empregador	Universidade de Múnic (1890–1894) Universidade de Graz Universidade de Leipzig Universidade de Viena
Membro de	Academia Naciona de Ciencias dos Estados Unidos (asociado estranxeiro da Academia Nacional de Ciencias) (1904–) Academia de Ciências da Saxônia (pt) (membro estranxeiro) (1902–) Academia de Ciências da Saxônia (pt) (membro ordinario) (1900–1902) Royal Society (Membro estranxeiro da Royal Society) (1899–) Academia das Ciencias de San Petersburgo (membro correspondente) (1899–) Real Academia de Artes e Ciencias dos Países Baixos (membro estranxeiro) (1897–) Accademia delle Scienze di Torino (1896–) Academia francesa das ciencias Real Academia das Ciencias de Suecia Accademia Nazionale delle Scienze detta dei XL Academia de Ciencias de Hungría Academia de Ciencias de Baviera Academia Austríaca de Ciencias Academia Prusiana das Ciencias Accademia Nazionale dei Lincei Academia das Artes e das Ciencias dos Estados Unidos
Alumnos	Paul Ehrenfest, Marian Smoluchowski e Friedrich Hasenöhrl
Obra
Obras destacables constante de Boltzmann equação de transporte de Boltzmann (pt) Distribuição de Boltzmann (pt) constante de Stefan-Boltzmann (pt) Lei de Stefan-Boltzmann Fórmula de entropia de Boltzmann (pt)
Doutorando	Paul Ehrenfest, Lise Meitner, Gustav Herglotz, Philipp Frank e Hermann von Lewinski (en)
Familia
Cónxuxe	Henriette Boltzmann
Fillos	Henriette Boltzmann, Ida Boltzmann
Premios
(1 de xuño de 1899)  Membro estranxeiro da Royal Society (1899)  Orde bavaresa de Maximiliano para a Ciencia e as Artes  doutor honoris causa pola Universidade de Oxford  doutor honoris causa pola Universidade de Oslo
Sinatura
Descrito pola fonte	Grande Enciclopedia Soviética 1969-1978, (sec:Больцман Людвиг) Biblioteca dixital BEIC Dicionario Enciclopédico Brockhaus e Efron

Ludwig Boltzmann.

Traxectoria

Infancia e educación

Boltzmann naceu en Viena cando esta inda era a capital do Imperio Austrohúngaro. Seu pai, Georg Ludwig Boltzmann, era funcionario do estado. Seu avó, que se mudara a Viena dende Berlín, era reloxeiro. Recibiu a educación primaria dun titor particular en casa de seus pais, e a secundaria en Linz. Perdeu a seu pai con 15 anos.

Pasaría a estudar física na Universidade de Viena, onde acadou o seu doutoramento en 1866 cunha tese supervisada por Joseph Stefan e que versaba sobre a Teoría cinética dos gases.

Carreira académica

Ós 25 anos, en 1869, e grazas a unha carta de recomendación do seu director de tese, foi nomeado catedrático de física matemática na Universidade de Graz. Nese ano colaborou varios meses con Robert Bunsen e mais Leo Königsberger en Heidelberg. Dous anos máis tarde colaborou con Gustav Kirchhoff e Hermann von Helmholtz en Berlín. De 1873 a 1876 foi profesor de matemáticas na Universidade de Viena.

En 1872 coñeceu a Henriette von Aigentler, unha aspirante a profesora de Graz. O 17 de xullo de 1876 casarose, e tiveron tres fillas e dous fillos. Debido á nova situación familiar, ese ano volveu á Universidade de Graz a ocupar a cátedra de Física Experimental. Entre os seus alumnos estiveron Svante Arrhenius e Walther Nernst.

En 1885 converteuse en membro da Academia das Ciencias de Austria e en 1887, en presidente da Universidade de Graz. En 1888 foi elixido membro da Real Academia Sueca de Ciencias, e en 1890 nomeárono para a cátedra de Física Teórica da Universidade de Múnic. En 1893 sucedeu o seu profesor Joseph Stefan como profesor de Física Teórica na Universidade de Viena.

Últimos anos

Boltzmann gastou moitos esforzos na defensa da teoría atómica, nunha época na que esta inda non era moi aceptada. Isto granxeoulle a inimizade de personaxes importantes como Ernst Mach, o cal entrou en 1895 na universidade como profesor de Filosofía e Historia da Ciencia.

Boltzmann, invitado por Wilhelm Ostwald, marchou en 1900 para a Universidade de Leipzig. Despois de que Mach se xubilase volveu a Viena, en 1902. En 1903 fundou xunto con Gustav von Escherich e Evin Müller a Sociedade Matemática de Austria.

Entre os estudantes máis sinalados que tivo, estiveron Karl Przibram, Paul Ehrenfest e Lise Meitner.

Boltzmann pasou toda a súa vida con fortes cambios de ánimo, no que posiblemente foi un trastorno bipolar non diagnosticado. Meitner relatou que quen estaba ó lado de Bolztmann coñecía estes episodios e sabía dos seus intentos de suicidio. El, en ton de broma, atribuía os seus cambios de humor a que nacera a noite entre o martes de entroido e o mércores de Cinsa.

En 1906, en Duino, Trieste, durante as vacacións, aforcouse durante un episodio de depresión. Foi enterrado en Zentralfriedhof, e na súa lápida pode lerse a inscrición ${\displaystyle S=k\cdot \log W\,}$, a ecuación que descubrira sobre a natureza estatística da entropía.

Véxase tamén

Outros artigos

• Constante de Boltzmann
• Ecuación de Boltzmann

Bibliografía

• Max Planck (1914). The Theory of Heat Radiation (Teoría da radiación por calor), P. Blakiston Son & Co. Dover (1959) e (1991). ISBN 0-486-66811-8
• Richard C. Tolman (1938). The Principles of Statistical Mechanics (Os principios da mecánica estatística), Oxford University Press. Dover (1979). ISBN 0-486-63896-0
• Ernst Cassirer, El problema del conocimiento en la filosofía y en la ciencia modernas, México, FCE, tomo IV, 1979.
• J. Willard Gibbs (1901). Elementary Principles in Statistical Mechanics (Principios elementais de mecánica estatística), Ox Bow Press (1981). ISBN 0-918024-19-6.
• David Lindley. Boltzmann's Atom: The Great Debate That Launched A Revolution In Physics (O átomo de Boltzmann: O gran debate que xerou unha revolución na física). ISBN 0-684-85186-5
• A. J. Lotka (1922). "Contribution to the energetics of evolution" (Contribución a enerxética da evolución). Proceedings of the National Academy of Sciences, 8: 147–151.
• J. Bronowski (1973). El ascenso del hombre (The Ascent of Man) (cap. 10, "Un mundo dentro del mundo"). Bogotá: Fondo Educativo Interamericano. No. 853 (Alejandro Ludlow Wiechers, trad.).