Lorenzo Pérez

Lorenzo Pérez García, coñecido como Loren, nado en Ronda o 23 de outubro de 1933, é un exfutbolista español. Xogaba de dianteiro e militou principalmente no Sevilla FC.

Lorenzo Pérez

Biografía
Nacemento	23 de outubro de 1933 (91 anos) Ronda, España
Actividade
Ocupación	futbolista
Período de actividade	1952 - 1963
Deporte	fútbol
Posición de xogo	Dianteiro
Traxectoria   Equipo –   Granada CF –   RCD Mallorca –   Sevilla FC

Traxectoria

Tras xogar no Algeciras, debutou na Primeira División con 19 anos nas filas do Sevilla. Foi na xornada 26 da tempada 1952/53, contra o Racing de Santander no Sardinero, partido no que marcou o seu primeiro gol. Foi titular nas catro xornadas restantes, nas que marcou outros catro goles, incluído un triplete contra o Celta de Vigo no estadio de Nervión.

Militou no Sevilla ata 1960, marcando 49 goles nos seus 109 partidos oficiais. Na tempada 1958/59 foi cedido ao Granada CF de Scopelli, nunha operación pola que Arsenio e Ramoní foron traspasado ao club granadino e Gilberto Navarro pasou a ser xogador do Sevilla.^[1]

En 1960 fichou polo RCD Mallorca, onde xogou ata 1963, cando regresou ao Algeciras. Xogou as últimas xornadas da tempada 1965/66 coa Real Balompédica Linense, xogando a promoción de ascenso a Segunda, onde caeron eliminados contra o Plus Ultra.^[2]

Selección nacional

Foi internacional coa selección española nun partido amigable contra o Stuttgart en 1954.

Notas

1. "Arsenio y Ramoní, traspasados al Granada a cambio de Navarro". La Noche (en castelán) (11694). 9 de setembro de 1958. p. 14. Consultado o 20 de febreiro de 2022.
2. Almagro, Rubén (26 de xuño de 2020). "El fútbol se rinde a Loren". Europa Sur (en castelán). Consultado o 20 de febreiro de 2022.

Véxase tamén

Ligazóns externas

• Datos do xogador en BDFutbol (en castelán).