José Cornide Saavedra

José Andrés Cornide de Folgueira y Saavedra^[1], señor de Cebreiro, de Madiz e de Saa, nado na Coruña o 25 de abril de 1734 e finado en Madrid o 22 de febreiro de 1803, foi un xeógrafo, naturalista e humanista galego, membro sobranceiro do movemento ilustrado.

José Cornide Saavedra

Biografía
Nacemento	(es) José Andrés Cornide de Folgueira y Saavedra 25 de abril de 1734 A Coruña, España
Morte	22 de febreiro de 1803 (68 anos) Madrid, España
Datos persoais
País de nacionalidade	España
Formación profesional	Humanidades
Educación	Universidade de Santiago de Compostela
Actividade
Ocupación	escritor , naturalista , xeógrafo , biólogo
Lingua	Lingua castelá
Familia
Pai	Diego Cornide Saavedra

Traxectoria

A súa residencia, a Casa Cornide, enfronte da Colexiata, A Coruña

De orixe fidalga, estudou Humanidades na Universidade de Santiago de Compostela. Foi rexedor da cidade da Coruña, fundador da Sociedad Económica de Santiago, fundador da Academia de Agricultura del Reino de Galicia e primeiro secretario perpetuo da Real Academia da Historia (1802-1803), entre outros. Ao longo da súa vida realizou completos estudos sobre historia, xeografía e economía, fundamentalmente de Galiza.

Elaborou gran cantidade de mapas, entre os que destacan os da diocese de Ourense e da de Mondoñedo, así como o do reino de Galicia, que serviu de base para o de Tomás López de 1784.^[2] Realizou numerosas crónicas de viaxes, como Viaje desde Coruña a la Corte, ademais de cultivar literatura, tanto en lingua española como en lingua galega, aínda que os seus poemas en galego son actualmente descoñecidos.

José Cornide Saavedra é un dos primeiros en denunciar a colonización económica e cultural de Galicia: “No hay provincias en España que no tengan sus fábricas de algún género de paños; solo Galicia se ha contentado con las chapuceras fábricas de buriel tosquísimo (...). Los que ya hicieron callos en esta máxima diabólica (...) son los que más se han de oponer a todo cuanto de bueno y útil se propone en favor de Galicia, porque quieren que Galicia sea país de Indias”

Escribiu dous grandes textos sobre a fauna dos mares galegos e o seu aproveitamento a través da pesca. No seu Ensayo de una historia de los peces y otras producciones marinas de la costa de Galicia (1788, aínda que xa solicitara a súa impresión en 1774) describe unhas 70 especies de peixes e numerosas artes e redes de pesca. En 1774 publicara a Memoria sobre la pesca de la sardina en las costas de Galicia, que completará cun terceiro texto sobre o mesmo tema: Memoria sobre el estado de la pesca en la costa de Galicia, causas que detienen sus progresos y medios para removerlos para su fomento, para o que solicita autorización en 1789 pero esta non se concede ata 1796 e, ó final, nunca chega a publicarse; consérvase o manuscrito no arquivo da Real Academia da Historia ^[3].

Obras

• Descripción circunstanciada de la costa de Galicia, y raya por donde confina con el inmediato reino de Portugal (1764)^[4].
• Memoria sobre la pesca de la sardina en las costas de Galicia (1774).
• Ensayo de una historia de los peces y otras producciones marinas de la costa de Galicia arreglado al sistema del caballero Carlos Linneo con un tratado de las diversas pescas y de las redes y aparejos con que se practican (1788).^[5]
• Las Casitérides, o Islas del Estaño, restituidas a los mares de Galicia. Disertación crítica en que se procura probar que estas islas no son las Sorlingas, como pretende en su Britania Guillermo Cambden, y sí las de la costa occidental del reino de Galicia.^[6] (1790).^[7]
• Investigaciones sobre la fundación y fábrica de la llamada Torre de Hércules situada a la entrada del puerto de La Coruña.^[8]
• Estado de Portugal en el año 1800.

Galería de imaxes

• 
  Mapa do bispado de Ourense, 1763.
• 
  Mapa do bispado de Mondoñedo, 1764.
• 
  Mapa do reino de Galicia, 1762-1766.
• 
  Mapa corográfico da antiga Galicia, 1790.

Notas

1. Portada na que se aprecia o nome de Joseph Cornide na súa grafía de finais do século XVIII.
2. Manso 2010–2011.
3. Antonio Meijide Pardo: Escritos e autores na Galicia da Ilustración. Real Academia Gallega-La Voz de Galicia 1982, px. 75-90.
4. Cornide Saavedra, José (1991). Axeitos, Xosé Luís, ed. Descripción circunstanciada de la costa de Galicia, y raya por donde confina con el inmediato Reino de Portugal: hecha en el año de 1764. historia. Ediciós do Castro. ISBN 9788474925272.
5. Ensayo de una historia de los peces y de otras producciones marinas de la costa de Galicia arreglado al sistema del caballero Carlos Linneo.
6. Ficha en cervantesvirtual.es
7. Las Casiterides ó Islas del Estaño restituidas á los mares de Galicia: disertación crítica.
8. Ficha en cervantesvirtual.es

Véxase tamén

Wikimedia Commons ten máis contidos multimedia na categoría:  José Cornide Saavedra

A Galifontes posúe textos orixinais acerca de:  José Cornide Saavedra

A Galicitas posúe citas sobre:  José Cornide Saavedra

Bibliografía

• "Cornide Saavedra Folgueira, Xosé Andrés". Diccionario enciclopédico galego universal 18. La Voz de Galicia. 2003-2004. p. 81. ISBN 84-7680-429-6.
• "Cornide Saavedra Folgueira, Xosé Andrés". Dicionario biográfico de Galicia 1. Ir Indo Edicións. 2010-2011. pp. 277–279.
• "Cornide Saavedra y Folgueira, José Andrés". Diciopedia do século 21 1. Do Cumio, Galaxia e do Castro. 2006. p. 593. ISBN 978-84-8288-942-9.
• "Cornide Saavedra Folgueira, Xosé Andrés". Enciclopedia Galega Universal 6. Ir Indo. 1999-2002. pp. 287–288. ISBN 84-7680-288-9.
• Couceiro Freijomil, Antonio (1951-54). Diccionario bio-bibliográfico de escritores (en castelán) I. Bibliófilos Gallegos. p. 300.
• Fernández del Riego, F. (1971) [1951]. Historia da Literatura Galega (2ª ed.). Vigo: Editorial Galaxia. p. 70.
• Fernández del Riego, F. (1990). Diccionario de escritores en lingua galega. Do Castro. p. 94. ISBN 978-84-7492-465-7.
• Gómez, Anxo; Queixas, Mercedes (2001). Historia xeral da literatura galega. A Nosa Terra. pp. 88–89. ISBN 84-95350-79-3. Arquivado dende o orixinal o 02/07/2017. Consultado o 19/10/2017.
• Manso, C. (2010-2011). "Cartografía histórica de José Cornide en la Real Academia de la Historia: El mapa general del reino de Galicia y los de sus diócesis (1760-1772)" (PDF). Abrente (en castelán) (RAGBA) (42-43): 237–302. ISSN 0212-6117.
• Pedret Casado, P. (Xuño-xullo de 1934). "Un informe en col de Galiza de Xosé Andrés Cornide e Saavedra". Nós (126-127): 102-108.
• Vilanova, Alberto (2005). "Cornide Saavedra y Folgueira, José Andrés". Gran Enciclopedia Galega (DVD). El Progreso. ISBN 84-87804-88-8.

• Vilavedra, D., ed. (1995). "Cornide Saavedra y Folgueira, José Andrés". Diccionario da Literatura Galega. I. Autores. Galaxia. p. 145-146. ISBN 84-8288-019-5.

Outros artigos

• Cartografía

Ligazóns externas

• Biblioteca Virtual Galega