From Wikipedia, the free encyclopedia
Grilo (do latín grillus) é a designación común dos insectos ortópteros (Orthoptera), suborde Ensifera, que constitúen a familia dos grílídos, e que posúen, alén de longas antenas filiformes, órganos auditivos para percibir os sons que producen ao fregar as súas ás anteriores.
 | Atención: Este artigo ou sección semella conter investigacións orixinais. |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde decembro de 2018.) |
| Grilo | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 Grilo do xénero euthophilus | |||||||||||||||||
| Clasificación científica | |||||||||||||||||
| |||||||||||||||||
Soamente os grilos machos producen sons co obxecto de atraer as femias para a reprodución. Con esta finalidade os machos posúen unha serie de pelos nos bordos das ás, aliñados coma pentes, que producen sons cando rozan unha á contra outra. Cada especie produce un canto peculiar que varía coa época do ano, e que é máis intenso para atraer á femia e máis suave cando ela xa está presente e se inicia a fase do cortexo.
A femia posúe un longo órgano ovipositor característico. Estes insectos son omnívoros, pois comen tanto follas e talos coma insectos. Cavan no solo orificios con até medio metro de profundidade que terminan nunha habitación circular. A entrada do buraco é mantida sempre limpa porque aí se constitúe a zona de canto do macho.
Existen preto de 900 especies de grilos en todo o mundo, e moitas veces son confundidos cos saltóns, dos que son ben diferentes aínda que emparentados.
Nalgunhas culturas os grilos son tidos por animais de estimación. Na China, o pousar un grilo nunha persoa significa moita sorte. En varios lugares do mundo son consumidos como alimento.
En Portugal era costume ter grilos na cociña das casas debido á crenza de que o seu canto atraía á felicidade e fortuna aos seus moradores, mentres que en Irlanda lle tiñan temor reverencial por pensar que era unha criatura encantada co poder de espantar ás fadas maléficas e moi lonxevo.
 |
Commons ten máis contidos multimedia sobre: Grilo |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
