Gorgonia
xénero de cnidarios From Wikipedia, the free encyclopedia
xénero de cnidarios From Wikipedia, the free encyclopedia
Gorgonia é un xénero de cnidarios antozoos da subclase dos octocoraliarios, orde dos alcionáceos, suborde dos holaxonios, que é o xénero tipo da familia dos gorgoníidos.[1][2]
A especie foi descrita en 1758 no Tomo I da súa obra Systema naturae per regna tria naturae: secundum classes, ordines, genera, species, cum characteribus, differentiis, synonymis, locis. Holmiae: Impensis Direct. Laurentii Salvii.
O nome científico Gorgonia está formado polos elementos Gorgon-, tirado do acusativo latino Gorgōna, de Gorgō, -ōnis, unha das tres medusas Gorgonas da mitoloxía grega, e -ia, indicando feminino.[3]
Ademais de polo nome actualmente válido, o xénero coñeceuse tamén polos sinónimos:[1]
Segundo o WoRMS, o xénero conta coas seguintes especies:[1][2]
O termo gorgonia é, así mesmo, o nome común xenérico para referirse a calquera especie de octocoral con esqueleto córneo, incluídas nas subordes Calcaxonia, Holaxonia ou Scleraxonia.
Aínda que algunhas especies deste xénero, como Gorgonia flabellum ou G. ventalina, son quizais as máis coñecidas popularmente, e de aí provén o nome común xenérico.
A estrutura das especies deste xénero é ramificada, na maioría delas en forma de abano, e crecen nun só plano. Forman estruturas en forma de redes interconectadas, compostas de pequeas poliñas fusionadas en mallas apertadas.
A cor da estrutura, que fai as veces de esqueleto, é púrpura, branca ou morada.
Os pólipos, normalmente de cor marrón, amarela ou dourada, crecen aliñados nas pólas, tamén nun só plano e espazados regularmente. Os dalgunhas especies liberan terpenoides que afectan negativamente a outros corais,[4] sendo en ocasións, unha arma para competir polo espazo e a luz nos arrecifes coralinos.
Algunhas especies alcanzan os 2 m de altura, por outros tantos de ancho.
Adoitan habitar en arrecifes, coa súa base enterrada no substrato, en solos areosos ou gretas de rochas, entre 1 e 895 m de profundidade,[2] aínda que son máis frecuentes entre os 2 e os 15 m.
Distribúense en augas tropicais do océano Atlántico occidental, no golfo de México, o Caribe, as Bahamas e o Brasil, e tamén no Indo-Pacífico, desde a costa da África oriental, Madagascar, Indonesia, Australia, Nova Zelandia e os territorios dos Estados Unidos de América no Pacífico norte (Hawai, Midway, illas Marianas do Norte, Guam).[5]
As especies do xénero Gorgonia conteñen no seu interior algas simbióticas chamadas zooxantelas. As algas realizan a fotosíntese, producindo oxíxeno e glícidos que son aproveitados poas gorgonias, e que se alimentan dos catabólitos das gorgonias (especialmente fósforo e nitróxeno). Porén, alimenténtanse tanto dos produtos que xeran estas algas (entre un 75 e un 90 %) como das presas do microplancto, que capturan cos seus minúsculos tentáculos.[6]
Reprodúcense sexual e asexualmente.[2]