From Wikipedia, the free encyclopedia
A Gemeenlandshuis (en galego: "Casa común") é un edificio singular sito na cidade surholandesa de Delft, nos Países Baixos, que foi a sede principal do Consello das Augas de Delfland (en neerlandés: Hoogheemraadschap van Delfland), unha autoridade pública típica dos Países Baixos que se encarga da xestión das augas públicas das diversas cuncas fluviais. [1][2]
Gemeenlandshuis ("Casa común") Sede do Hoogheemraadschap van Delfland ("Consello das Augas de Delfland") | |
---|---|
![]() Fachada principal da Gemeenlandshuis | |
Edificio | |
Tipo | Edificio público |
Estilo | Gótico tardío |
Enderezo | Oude Delft 167, Delft |
Localización | ![]() ![]() ![]() |
Coordenadas | 52°00′43″N 4°21′19″L |
Uso(s) | Ata 1645: residencial. Desde 1665: sede do Hoogheemraadschap de Delfland. |
Construción | |
Construción | 1505 |
Remodelación | 1881-1891 1931-1933 |
[ editar datos en Wikidata ] |
O edificio, sito no número 167 da rúa e canle Oude Delft, foi construído en 1505 nun suntuoso estilo Gótico tardío.[3]
A súa fachada, revestida de arenito, que sobreviviu ao grande incendio da cidade de 1536, está amplamente adornada con escudos de armas policromados e pechada por unha balaustrada calada. A súa cubrición é a dúas augas entre pinches de ladrillo inclinado, coroada por chemineas tamén de ladrillo.
O seu primeiro propietario foi Jan de Huyter, preboste de Delft e alguacil da comarca de Delfland. Máis tarde converteuse en residencia de Filipe de Hohenlohe, que estaba casado con María de Nassau, filla de Guillerme I.
Non foi ata 1645 cando se estableceu alí o Hoogheemraadschap van Delfland.
Hoxe o edificio, que goza da consideración de monumento nacional des Países Baixos (Rijksmonument), alberga unha extensa colección de mapas antigos da comarca de Delfland. [4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.