Francesco Totti

Francesco Totti, nado en Roma o 27 de setembro de 1976, é un exfutbolista italiano. Xogaba de dianteiro no AS Roma, equipo no que militou en toda a súa carreira profesional, retirándose o 17 de xullo de 2017.

Francesco Totti

Biografía
Nacemento	27 de setembro de 1976 (48 anos) Roma, Italia
Embaixador de boa vontade de UNICEF
Datos persoais
Outros nomes	er Pupone
Altura	180 cm
Peso	82 kg
Actividade
Ocupación	futbolista (–2017)
Período de actividade	28 de marzo de 1993 - 28 de maio de 2017
Empregador	UNICEF
Nacionalidade deportiva	Italia
Deporte	fútbol
Posición de xogo	Centrocampista e dianteiro
Número deportivo	10
Traxectoria   Equipo – Stallions 1985–1986 Trastevere Calcio 1993–2017   AS Roma 619 (250) 1997–1997 Selección de fútbol sub-23 de Italia 4 (2)   Selección nacional 1991–1992   Italia sub-17 13 (2) 1992–1992   Italia sub-16 6 (3) 1992–1992   Italia sub-15 6 (3) 1993–1995   Italia sub-19 14 (7) 1993–1995   Italia sub-18 14 (7) 1995–1997   Italia sub-21 8 (4) 1998–2006   Italia 58 (9)
Participou en
2006	Mundial de Fútbol Alemaña 2006
2004	Eurocopa de Fútbol Portugal 2004
2002	Mundial de Fútbol Corea/Xapón 2002
2000	Eurocopa de 2000
Familia
Cónxuxe	Ilary Blasi (2005–2022), divorcio
Premios
(2010)  Golden Foot (2007)  Bota de Ouro (12 de decembro de 2006)  Oficial da Orde ao Mérito da República Italiana (12 de xullo de 2000)  Cabaleiro da Orde ao Mérito da República Italiana (2000, 2003)  Futbolista do Ano da Serie A (2000, 2001, 2003, 2004, 2007)  Italian Footballer of the Year (en)
Sitio web	francescototti.com

Vida privada

Francesco Totti está casado coa modelo italiana Ilary Blasi,^[1] coa cal casou o 19 de xaneiro de 2005. A súa voda foi transmitida en vivo pola canle de televisión SKY TG24 e foi vista por máis dun millón de televidentes.^[2] Ten dous fillos: Cristian, nado o 6 de novembro de 2005, e Chanel, nada o 13 de maio de 2007.

Dirixe unha escola de fútbol para cativos chamada «Número Dez»,^[3] tamén posúe un equipo de motociclismo denominado «Totti Top Sport».

É embaixador do Fondo de Nacións Unidas para a Infancia,^[4] publicou dous libros de chistes, co obxectivo de recadar cartos para obras benéficas. Algunhas das bromas foron filmadas tendo a Totti como protagonista xunto a outros futbolistas, como Alessandro Del Piero, Gianluigi Buffon, Christian Vieri, Antonio Cassano, Marco Delvecchio, Alessandro Nesta e o técnico Giovanni Trapattoni.

Colecciona camisetas de equipos de todo o mundo en diferentes disciplinas deportivas.^[5] No ano 2003, despois do encontro entre Italia e Irlanda no Torneo das Seis Nacións de rugby, os xogadores irlandeses Brian O'Driscoll e Denis Hickie recibiron unha camiseta de Totti a cambio das súas. No 2004 apareceu na portada do videoxogo Pro Evolution Soccer 4 xunto con Thierry Henry e Pierluigi Collina.^[6]