From Wikipedia, the free encyclopedia
Francesco Cossiga, nado en Sassari o 26 de xullo de 1928 e finado o 17 de agosto de 2010, foi un político sardo, que chegou a ser presidente da República italiana entre 1985 e 1992.
  | |
| Biografía | |
|---|---|
| Nacemento | 26 de xullo de 1928 Sassari, Italia (pt)  |
| Morte | 17 de agosto de 2010 (82 anos) Roma, Italia |
| Senador de Italia | |
| 29 de abril de 2008 – 17 de agosto de 2010 Lexislatura: 16th Legislature of Italy (en) | |
| Senador vitalicio | |
| 28 de abril de 1992 – 17 de agosto de 2010 (finado no cargo) | |
| 8º Presidente de Italia | |
| 3 de xullo de 1985 – 28 de abril de 1992 ← Sandro Pertini – Oscar Luigi Scalfaro → | |
| Substitute President of Italy (en) | |
| 25 de xuño de 1985 – 3 de xullo de 1985 | |
| Presidente do Consello de Ministros de Italia | |
| 4 de abril de 1980 – 18 de outubro de 1980 ← Francesco Cossiga – Arnaldo Forlani → Gabinete ministerial: Cossiga II Cabinet (en) | |
| Italian Minister of Foreign Affairs (en) | |
| 24 de novembro de 1979 – 20 de decembro de 1979 Gabinete ministerial: Cossiga I Cabinet (en) | |
| Presidente do Consello de Ministros de Italia | |
| 4 de agosto de 1979 – 4 de abril de 1980 ← Giulio Andreotti – Francesco Cossiga → Gabinete ministerial: Cossiga I Cabinet (en) | |
 Deputado da República Italiana | |
| 14 de xuño de 1979 – 11 de xullo de 1983 Lexislatura: 8th Legislature of Italy (en) | |
| Ministro do Interior de Itália (pt) | |
| 13 de marzo de 1978 – 11 de maio de 1978 ← Francesco Cossiga – Giulio Andreotti → Gabinete ministerial: Andreotti IV Cabinet (en) | |
| Ministro do Interior de Itália (pt) | |
| 30 de xullo de 1976 – 13 de marzo de 1978 ← Francesco Cossiga – Francesco Cossiga → Gabinete ministerial: Andreotti III Cabinet (en) | |
| Deputado da República Italiana | |
| 1 de xullo de 1976 – 19 de xuño de 1979 Lexislatura: 7th Legislature of Italy (en) | |
| Ministro do Interior de Itália (pt) | |
| 12 de febreiro de 1976 – 30 de xullo de 1976 ← Luigi Gui (pt) – Francesco Cossiga → Gabinete ministerial: Moro V Cabinet (en) | |
| Q55200191 | |
| 23 de novembro de 1974 – 11 de febreiro de 1976 Gabinete ministerial: Moro IV Cabinet (en) | |
| Deputado da República Italiana | |
| 19 de maio de 1972 – 4 de xullo de 1976 Lexislatura: 6th Legislature of Italy (en) | |
| Deputado da República Italiana | |
| 28 de maio de 1968 – 24 de maio de 1972 Lexislatura: 5th Legislature of Italy (en) | |
| Deputado da República Italiana | |
| 8 de maio de 1963 – 4 de xuño de 1968 Lexislatura: 4th Legislature of Italy (en) | |
| Deputado da República Italiana | |
| 3 de xuño de 1958 – 15 de maio de 1963 Lexislatura: 3rd Legislature of Italy (en) | |
| Datos persoais | |
| Relixión | Catolicismo |
| Educación | Liceo classico Domenico Alberto Azuni (en) University of Sassari (en) Universidade Católica do Sagrado Corazón |
| Actividade | |
| Campo de traballo | Política e dereito |
| Lugar de traballo | Roma Sassari (pt) |
| Ocupación | político, xurista, profesor universitario |
| Empregador | University of Sassari (en) (1951–1974) , nomeação ministerial (pt) |
| Partido político | Democracia Cristã (pt) (1945–) |
| Carreira militar | |
| Rama militar | Armada |
| Rango militar | Capitão de Fragata (pt) |
| Familia | |
| Cónxuxe | Giuseppa Sigurani (1960–1998), divorcio |
| Fillos | Anna Maria Cossiga, Giuseppe Cossiga |
| Premios | |
| |
Sinatura  | |
  | |
Francesco Cossiga naceu nunha familia burguesa de Sassari en 1928. Estudante precoz, licenciouse en Dereito con só dezanove anos. Aos dezasete afiliouse á sección sassaresa da Democracia Cristiá e na Federación Universitaria Católica Italiana (FUCI), onde ocupou cargos de relevancia. Nos anos cincuenta, ao tempo que conseguía a súa cátedra de dereito constitucional, iniciou a súa carreira política dando un golpe de leme no control da Democracia Cristiá de Sardeña, no que se coñeceu co nome de giovani turchi (mozos turcos). En 1958 é elixido deputado e en 1966 pasou a desempeñar o cargo de subsecretario de estado de Defensa no terceiro goberno do democristián Aldo Moro. Dende novembro de 1974 a febreiro de 1976 foi ministro de Administracións públicas no cuarto goberno de Moro e o 12 de febreiro dese ano accede ao cargo de ministro de Interior.
Entre as súas actuacións como ministro de Interior figurou o envío de tropas blindadas para calmar os disturbios entre estudantes e forzas da orde en Boloña (1977), reformou os servizos secretos e creou corpos especiais para a policía e para os carabinieri. En marzo de 1978 as Brigade Rosse secuestran o presidente do goberno Aldo Moro, e Cossiga dirixe o gabinete de crise inicial. Tamén continúa no posto de ministro do interior baixo o cuarto e o quinto goberno de Giulio Anddreotti. Porén, cando aparece o cadáver de Moro na rúa Michelangelo Caetani de Roma, Cossiga dimite de todos os seus cargos.
O 4 de agosto de 1979 é nomeado presidente do goberno, cargo no que permanece 14 meses, ata outubro de 1980, cando se ve obrigado a dimitir tras filtrarse que axudara ao fillo dun amigo, perseguido por terrorismo, a escapar da policía. Despois dun tempo afastado da política, en 1983 é elixido senador, e seguidamente presidente do Senado.
En 1985 convértese no oitavo presidente da República Italiana, ao suceder a Sandro Pertini. Por primeira vez na historia chegaba ao cargo un presidente elixido na primeira volta polo parlamento (752 votos de 977 posibles): Cossiga recibiu os apoios da lóxica Democracia Cristiá, pero tamén do PSI, PCI, PRI, PLI, PSDI e Sinistra indipendente.
Se ben o seu primeiro mandato (1985-1989) foi discreto como correspondía ás funcións garantistas do cargo de presidente da República, no segundo período, entre 1989 e 1992, tivo un maior grao de intervención na vida política. Durante este segundo período, Cossiga viuse implicado en varias polémicas. A máis importante foi o seu envolvemento na trama Gladio, a rama italiana da rede de espionaxe Stay Behind Net, promovida pola CIA nos países da OTAN durante a guerra fría. Gladio, que tivo ao seu mando a Cossiga cando foi subsecretario de Defensa, espiou entre outras cousas as accións do Partido Comunista Italiano.
Dimitiu a dous meses de que rematase o seu mandato, en abril de 1992, e foi substituído temporalmente polo daquela presidente do Senado, Giovanni Spadolini.
O feito de ser presidente da República garántelle o paso ao posto de senador con carácter vitalicio. Nese momento, e durante a fonda crise que afecta a Democracia Cristiá, Cossiga impulsa en 1998 a creación dunha nova formación, a UDR coa intención de constituír unha alternativa de centro que agrupase as dispersas forzas dos democristiáns. A UDR consegue as adhesións dos Cristiáns Demócratas Unidos de Rocco Buttiglione e de Clemente Mastella, e tamén dunha escisión do Centro Cristián Democrático.
Cando Rifondazione comunista fai caer o primeiro goberno de Romano Prodi, Cossiga e a súa formación foron determinantes para que se puidese formar o primeiro goberno D'Alema. En 2000 a UDR disólvese e pasa a integrarse na UDEUR de Clemente Mastella, e Cossiga pasa a ocupar unha posición marxinal na escena política italiana. En 2002 anunciou a súa dimisión como senador vitalicio, se ben non chegou a presentala, anuncio que repetiu en 2005 sen tampouco levalo a termo. Colaborador de xornais, a súa máxima intervención política foi o apoio ao segundo goberno Prodi en 2006 e ao goberno Berlusconi en 2008, así como a presentación en 2006 dunha iniciativa lexislativa para a reforma das institucións políticas sardas e o recoñecemento dunha nación sarda.
Casado –obtivo a anulación polo Tribunal da Rota logo de 33 anos de matrimonio—, sufriu diversos períodos depresivos ao longo da súa carreira política[1]. O 9 de agosto de 2010 ingrésano cunha crise respiratoria, e morre o 17 de agosto ao sumárselle á insufficiencia respiratoria un episodio cardíaco[2]. Os funerais celebráronse en primeiro lugar na Basilica di San Carlo al Corso en Roma e despois na Igrexa de San Xosé, en Sassari, onde ademais foi soterrado, no camposanto monumental da cidade, non lonxe da campa doutro político democristián sardo, Antonio Segni.
Era radioafeccionado, e mantivo esta afección tamén cando vivía nas residencias oficiais do presidente do goberno e de presidente da República.
| Predecesor: Giulio Andreotti |
Presidente do goberno 1979 - 1980 |
Sucesor: Arnaldo Fornlani |
| Predecesor: Vittorino Colombo |
presidente do Senado 12 de xullo de 1983 - 24 de xuño de 1985 |
Sucesor: Amintore Fanfani |
| Predecesor: Sandro Pertini |
presidente da República 3 de xullo de 1985 - 25 de abril de 1992 |
Sucesor: Oscar Luigi Scalfaro |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
