Unha infección oportunista é unha infección causada por organismos patóxenos (virus, bacterias, protozoos, fungos) que se aproveitan de certas situacións de debilidade para causar infeccións, pero que normalmente non as causan no individuo san, co sistema inmunitario funcionando normalmente. Un sistema inmunitario comprometido por unha inmunodeficiencia dálle unha "oportunidade" ao patóxeno para infectar.[1][2]
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde agosto de 2015.) |
Causas
- Véxase tamén: Inmunodeficiencia, SIDA e VIH.
A causa xeralmente é unha inmunodeficiencia en maior ou menor grao ou a inmunosupresión, que se poden orixinar por:
- Malnutrición
- Fatiga
- Infeccións recorrentes
- Drogas inmunosupresoras administradas a receptores de transplantes de órganos
- Infección por VIH avanzada
- Quimioterapia contra o cancro
- Predisposición xenética
- Danos na pel
- Tratamentos con antibióticos
- Procedementos médicos
- Embarazo.
Tipos de infeccións
Entre as infeccións oportunistas máis comúns están principalmente as producidas polos seguintes organismos:
- Acinetobacter baumannii
- Aspergillus sp.
- Candida albicans
- Clostridium difficile
- Cryptococcus neoformans
- Cryptosporidium
- Cytomegalovirus
- Geomyces destructans
- Histoplasma capsulatum
- Isospora belli
- Poliomavirus JC, virus que causa a leucoencefalopatía multifocal progresiva.
- Sarcoma de Kaposi causado polo Herpesvirus humano 8 (HHV8), tamén chamado herpesvirus asociado ao sarcoma de Kaposi (KSHV). O sarcoma de Kaposi é un tumor, pero subxace a infección por este virus.
- Legionella pneumophila causante da lexionelose
- Microsporidia
- Mycobacterium avium complex (MAC) (micobacteria non tuberculosa)
- Pneumocystis, lévedo (antes considerado protozoo) causante da pneumonía por Pneumocystis, que antes se chamaba Pneumocystis carinii f. hominis (f.= forma)
- Pseudomonas aeruginosa
- Staphylococcus aureus
- Streptococcus pneumoniae
- Streptococcus pyogenes
- Toxoplasma gondii
Enfermidades oportunistas en persoas con SIDA
A SIDA é unha inmunodeficiencia que causa doenzas características como as seguintes:
| Enfermidades bacterianas | Axente | Localizacións preferenciais |
| Tuberculose | Mycobacterium tuberculosis | Pulmón, ganglios linfáticos ou diseminada |
| Micobacteriose | Mycobacterium avium intracelular | Sangue, ganglios, tubo dixestivo ou diseminada |
| Enfermidades virais | Axente | Localizacións preferenciais |
| Infección por citomegalovirus | CMV | Retina, tubo dixestivo, SNC, pulmón |
| Infección herpética | HSV | Pel, mucosas, pulmón, tubo dixestivo |
| Displasia de colo uterino | VPH | Displasias intraepiteliais cervicais de grao elevado |
| Herpes zóster | VZV | Pel, sistema nervioso |
| Leucoencefalopatía multifocal progresiva | Virus JC | SNC |
| Sarcoma de Kaposi | Virus HHV-8 | Pel, mucosas, pulmón |
| Enfermidades parasitarias | Axente | Localizacións preferenciais |
| Toxoplasmose | Toxoplasma gondii | SNC, retina, pulmón |
| Criptosporidiose, Microsporidiose, Isosporose | Cryptosporidium, Isospora belli, Microsporidios | Tubo dixestivo |
| Sarna | Sarcoptes scabiei hominis | Pel |
| Micoses | Axente | Localizacións preferenciais |
| Candidíase | Candida | Boca, esófago |
| Criptococose | Cryptococcus neoformans | SNC, pulmón ou diseminada |
| Histoplasmose | Histoplasma capsulatum | Diseminada |
| Asperxilose | Aspergillus | Pulmón ou diseminada |
| Pneumocistose (pneumonía) PCP | Pneumocystis carinii | Pulmón |
| Penicilose | Penicillium marneffei |
Tratamento
Depende do tipo de infección oportunista, pero xeralmente consiste no uso de antibióticos.
Tratamento veterinario
As infeccións oportunistas causadas polas infeccións retrovirais polo virus da leucemia felina e o virus da inmunodeficiencia felina poden ser tratadas co inmunomodulador celular do linfocito T.
Notas
Véxase tamén
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
