Emilio Disi

Emilio Roberto Parada,^[1] chamado Emilio Disi,^[2] nado en Bos Aires o 2 de xaneiro de 1943 e finado na mesma cidade o 14 de marzo de 2018, foi un actor e cómico galego arxentino.

Emilio Disi

(década de 1980)
Biografía
Nacemento	(es) Emilio Roberto Parada 2 de xaneiro de 1943 San Cristóbal (Buenos Aires), Arxentina
Morte	14 de marzo de 2018 (75 anos) Belgrano (Buenos Aires), Arxentina
Causa da morte	cancro de pulmón
Outros nomes	Emilio Disi
Actividade
Ocupación	actor de televisión, humorista, director teatral
Período de actividade	1968 - 2018

Traxectoria

Emilio Disi naceu nunha familia de emigrantes galegos na Arxentina. O pai, José Luis Parada, viña de Leiro^[3], e emigrara a Cuba antes de asentarse na Arxentina como empregado público na década dos vinte; a nai, Pura Yáñez, viña dunha aldeíña da provincia da Coruña e traballaba como cociñeira, modista, lavandeira e limpadora. O irmán máis vello, Pepe Parada, xa se dedicaba ao sector do espectáculo, e por iso a Emilio empezaron a dicirlle 'Paradita'. Para evitalo tomou o pseudónimo de Emilio Disi, porque así se chamaba unha óptica local (Di sí), que atopara de maneira aleatoria na guía de teléfonos^[4].

O primeiro filme de Disi, en 1968 foi Humo de marihuana, onde interpretou un papel secundario. Ese mesmo ano filmou Somos los mejores e ao ano Fuiste mía un verano. Xa en 1974 gravou o filme Los golpes bajos, mais a sona na Arxentina chegoulle coa serie de televisión Los hijos de López (1980).

A década dos oitenta foi un tempo de grandes éxitos para Disi, xa que filmou películas exitosas como El telo y la tele (1985), Los bañeros más locos del mundo (1987, xunto a Gino Renni, Berugo Carámbula e Alberto Fernández de Rosa) e Bañeros II, la playa loca (1989, a canda Gino Renni e Guillermo Francella). Contra o remate desa década encabezou outra saga con Guillermo Francella: Los extermineitors, unha parodia da serie de películas estadounidense Terminator. Aínda que se chegaron a gravar catro fitas na saga (Los Extermineitors, Extermineitors II, la venganza del dragón, Extermineitors III, la gran pelea final e mais Extermineitors IV, como hermanos gemelos) Disi só participou das dúas primeiras porque despois rifou con Francella. Ao tempo tamñen traballaba en televisión, onde protagonizara programas que tiveran bastante impacto na época. En 1988 participou na comedia Stress e a mediados dos noventa na segunda edición do programa Brigada Cola a canda Fernando Lupiz, entre outros. Tamén tiveron sona os seus sketchs cómicos de Rompeportones, dirixido por Hugo Sofovich.

Xa no século XXI Disi traballou en producións de éxito na Arxentina, como Todas las azafatas van al cielo (2001) ou Bañeros III: todopoderosos (2006), nesta última acompañado dos tamén populares actores aló Pachu Peña, Pablo Granados e Freddy Villareal. Durante varios anos realizou coa presentadora arxentina Susana Giménez o sketch «Susana Spadafucile», onde interpretaba a Mariano Garipetti, o home dela. En 2005 participou en dous capítulos da sitcom Casados con hijos, e en 2008 participou na serie Todos contra Juan, interpretándose a si mesmo. Durante 2008 e 2009 formou parte do elenco dunha montaxe arxentina da peza de teatro La cage aux folles, a canda Rodolfo Ranni e Mercedes Carreras. En 2011 formou parte do cadro de actores da serie cómico-policial Los únicos.

Finou no hospital Instituto Fleming, do barrio de Colegiales, a causa dun cancro de pulmón.^[5]

Filmografía

Cine
Ano	Título do filme	Papel que interpretou	Dirixido por
1968	Humo de marihuana	Loco Melena	Lucas Demare
1968	Somos los mejores	Nene	Federico Padilla
1969	Fuiste mía un verano	Secretario	Eduardo Calcagno
1974	Los golpes bajos		Mario Sábato
1977	La aventura explosiva		Orestes A. Trucco
1980	Los hijos de López	Emilio López	Enrique Dawi
1983	Los reyes del sablazo	Emilio	Enrique Carreras
1985	El telo y la tele	Actor	Hugo Sofovich
1985	La búsqueda	Irmán do xefe	Juan Carlos Desanzo
1986	Brigada explosiva	Emilio	Enrique Dawi
1986	Brigada explosiva contra los ninjas	Emilio	Miguel Fernández Alonso
1987	Los bañeros más locos del mundo	Emilio	Carlos Galettini
1987	Los matamonstruos en la mansión del terror	Emilio	Carlos Galettini
1988	Los pilotos más locos del mundo	Emilio	Carlos Galettini
1988	Las locuras del extraterrestre	Emilio	Carlos Galettini
1989	Bañeros II, la playa loca	Emilio	Carlos Galettini
1989	Los extermineitors	Emilio	Carlos Galettini
1990	Extermineitors II, la venganza del dragón	Emilio	Carlos Galettini
2002	Todas las azafatas van al cielo	Señalero	Daniel Burman
2006	Bañeros III, Todopoderosos	Emilio	Rodolfo Ledo
2008	Brigada explosiva, misión pirata	Emilio	Rodolfo Ledo
2011	Querida, voy a comprar cigarrillos y vuelvo	Ernesto Zambrana	Mariano Cohn e Gastón Duprat
2011	El destino del Lukong	el mesmo	Gonzalo Roldán
2012	La pelea de mi vida		Jorge Nisco
2014	Fermín		Hernán Findling
2014	Muerte en Buenos Aires	Xuíz Morales	Natalia Meta
2014	Bañeros 4: Los Rompeolas	Emilio	Rodolfo Ledo
2015	Locos sueltos en el zoo	Alfredo	Luis Barros
2017	Soy tu karma	Aviador	WHO
Televisión
Ano	Título do programa	Canal onde se emitiu	Rol
1970	¡Robot!	Canal 9
1971	Alta comedia	Canal 9	Héctor - Flecha
1972	Me llaman Gorrión	Canal 9	Gaona
1980	Los Piedra Gómez		Doris
1980	Los hijos de López	ATC	Emilio López
1981-1982	Un departamento de comedia
1982	Casi una pareja
1987	La peluquería de don Mateo	Canal 13	Perruqueiro fillo de don Mateo
1987	"Sume y lleve"	Canal 9	Conducción
1988-1991	Stress	Canal 13	Emiliano
1992-1994	Brigada Cola	Telefé	Dichi
1998	Rompeportones	Canal 13	varios
1999	Petardos	Azul TV (Canal 9)	varios
1992-2005 / 2013- 2014-2016	Susana Giménez	Telefé	Sketchs
2000	Los Iturralde	América 2	Emilio Iturralde
2001	Buen día para todos (BDPT)
2002	099 Central	Canal 13	Fausto
2003	Tercer tiempo	Canal 13	Emilio
2004	Los de la esquina	TV Pública
2004	Dinamitados	Canal 26	varios
2005	Casados con hijos	Telefé	Tito
2011	Los únicos	El Trece	Américo
2012	La pelu	Telefé	Florencio Costacurta
2013	Los vecinos en guerra	Telefé	Luis Alberto
2014	Embarcados a Europa	TV Pública	Francesco Canducci
2016-2017	Susana Giménez	Telefe

Notas

1. "Los nombres de los famosos, según su D.N.I. - Fotogalería - Perfil.com". 2012-06-29. Arquivado dende o orixinal o 29 de xuño de 2012. Consultado o 2018-06-27.
2. "La curiosa anécdota sobre cómo Emilio Disi eligió su apellido artístico". Consultado o 2018-06-27.
3. Parissi, Julio César (2012). Nos trajeron los barcos: Historias de padres y abuelos inmigrantes. Sudamericana. ISBN 9789500729062.
4. "La valiente y conmovedora lucha de Emilio Disi contra el cáncer de pulmón hasta su último aliento". www.msn.com (en inglés). Arquivado dende o orixinal o 16 de marzo de 2018. Consultado o 2018-03-15.
5. Murió Emilio Disi.

Véxase tamén

Ligazóns externas

Wikimedia Commons ten máis contidos multimedia na categoría:  Emilio Disi

• Ficha de Emilio Disi Arquivado 11 de febreiro de 2007 en Wayback Machine. na web Cine Nacional (Bos Aires).