Edward Blyth

Edward Blyth, nado o 23 de decembro de 1810 en Londres e finado o 27 de decembro de 1873, foi un zoólogo e químico británico coñecido por un dos fundadores da zooloxía da India e precursor da teoría da selección natural.

Edward Blyth

Biografía
Nacemento	23 de decembro de 1810 Londres (Reino Unido de Gran Bretaña e Irlanda)
Morte	27 de decembro de 1873 (63 anos) Londres (Reino Unido de Gran Bretaña e Irlanda)
Lugar de sepultura	cemiterio de Highgate
Actividade
Campo de traballo	Zooloxía
Ocupación	conservador, naturalista, museólogo, zoólogo, ornitólogo, coleccionista de animais
Membro de	Accademia delle Scienze di Torino (1846–)
Obra
Abreviatura do autor en zooloxía	Blyth
Descrito pola fonte	Dictionary of National Biography Dictionary of Indian Biography

Traxectoria

Edward Blyth nacen en Londres en 1810. Nesa cidade licenciouse en Química En 1841 viaxou á India para ocupar o cargo de conservador (comisario) do museo da Real Sociedade Asiática Real de Bengala, en Calcuta. Alí actualizou os catálogos do museo.

Como zoólogo especializado en ornitoloxía, en 1849 publicou un Catálogo das aves da Sociedade Asiática (Catalogue of the Birds of the Asiatic Society). O seu traballo no museo impediulle facer moito traballo de campo, pero recibiu e describiu espécimes de aves que lle remitiron de A. O. Hume, Samuel Tickell, Robert Swinhoe e outros. Permaneceu como conservador do museo até 1862, cando a súa mala saúde obrigouno a regresar a Inglaterra. A súa Historia natural dos grous (The natural history of the Cranes) publicouse postumamente en 1881.^[1][2]

Selección natural

Edward Blyth escribiu tres artigos sobre a variación animal, discutindo os efectos da selección artificial, nos que describe o proceso na natureza (máis tarde chamada selección natural), pero entendido como unha especie de restauración dos organismos da natureza ao seu propio arquetipo (en lugar da formación de novas especies). Porén, nunca chegou a utilizar o termo "selección natural". Estes artigos foron publicados entre 1835 e 1837. Charles Darwin recorreu aos seus consellos como experto, e Blyth foi un dos primeiros en recoñecer a importancia da teoría da selección natural de Wallace.

Outros traballos

Aínda que Blyth paso a maior parte da súa vida no museo de Calcuta, estaba interesado no estudo das aves na natureza. Antes de ir á India realizou algúns experimentos para comprobar se os ovos do cuco (ou, máis xeralmente, ovos estraños) eran detectados e eliminados polos hospedeiro ao colocar ovos dunha especie nos niños doutras. En 1835 escribiu que encontrara experimentalmente pinzas para quitar un ovo estraño cando se colocaba na súa niñada. Tamén suxeriu a idea de substituír a niñada orixinal por outra, pero cun só ovo estraño e afirmou, baseándose nos seus propios resultados, que os ovos estraños eran descartados, ou que as aves abandonaban o niño.^[3][4] Blyth tamén examinou os patróns de cambio de coloración estacional en varios grupos de aves.^[5]

Así mesmo, Blyth editou a sección sobre "Mamíferos, Aves e Réptiles" na edición inglesa do Reino Animal de Georges Cuvier publicado en 1840, inserindo moitas observacións, correccións e referencias propias. O seu catálogo de mamíferos e aves de Birmania foi publicado postumamente en 1875.^[6][7]

Tamén traballou no campo da herpetoloxía e, entre 1853 e 1863, describiu máis de tres decenas de novas especies de réptiles,^[8] e varias novas especies de anfibios.^[9]

Epónimos

Varios autores dedicáronlle especies a Blyth, como:

• Tragopan blythii, ave da familia dos fasiánidos, descrita por Thomas Claverhill Jerdon en 1870.
• Onychognathus blythii, ave da familia dos estúrnidos, descrita por Gustav Hartlaub en 1859.
• Alcedo hercules, ave da familia dos alcedínidos, descrita por Alfred Laubmann en 1917.
• Limnonectes blythii, anfibio da familia dos dicroglósidos, descrito por George Albert Boulenger en 1920.

• 
  Tragopan blythii
• 
  Onychognathus blythii
• 
  Picapeixe de Blyth (Alcedo hercules)
• 
  Limnonectes blythii

Abreviatura

A abreviatura Blyth emprégase para recoñecer a Edward Blyth como autoridade na descrición e taxonomía en zooloxía.