Dorado

Dorado ou Peixe Dourado^[1] é unha constelación austral, creada por Pieter Dirkszoon Keyser e Frederick de Houtman entre 1595 e 1597, e listada por primeira vez na Uranometria de Johann Bayer de 1603; coñecida tamén como Xiphias ou Peixe Espada, recibe o seu nome en realidade do mahi-mahi, Coryphaena hippurus, un peixe comestible orixinario de América e que recibe o nome castelán de delfín dorado. Nela é visible meirande parte da Gran Nube de Magallanes.

Para outras páxinas con títulos homónimos véxase: Dorado (homónimos).

Dorado
Nome latino	Dorado
Abreviatura	Dor
Xenitivo	Doradus
Simboloxía	O mahi mahi ou dourado
Ascensión recta	8 h
Declinación	-70°
Área	141 graos cadrados Rango 72º
Número de estrelas (magnitude < 3)	0
Estrela máis brillante	α Dor (magnitude ap. 3.27)
Choiva de meteoros	Ningunha
Constelacións lindeiras	Caelum Horologium Reticulum Hydrus Mensa Volans Pictor
Visible en latitudes entre +20° e −90° Mellor visibilidade ás 21:00 (9 p.m.) durante o mes de febreiro
{{{notas}}}

Estrelas principais

• α Doradus, a estrela máis luminosa da constelación de magnitude aparente 3,30. É unha estrela branca de tipo espectral A0 e variable do tipo Alfa2 Canum Venaticorum.
• β Doradus, variable cefeida cun brillo que oscila entre magnitude 3,46 e 4,08. A variación é apreciable a simple vista.
• γ Doradus, estrela branco-amarela que dá nome a un tipo de estrelas variables, as variables Gamma Doradus.
• δ Doradus, estrela branca da secuencia principal de magnitude 4,35.
• ζ Doradus, anana amarela algo máis luminosa có Sol situada a 38 anos luz.
• R Doradus, estrela variable e unha das estrelas coñecidas de maior tamaño.
• S Doradus, estrela hiperxigante na Gran Nube de Magallanes. Prototipo das variables luminosas azuis, é unha das estrelas máis luminosas que se coñecen.
• AB Doradus, sistema estelar triplo a 49 anos luz da Terra.
• HD 30177, anana amarela cun planeta extrasolar.
• HE 0437-5439, estrela fuxitiva que se afasta de nós a 723 km/s.
• WOH G64, superxigante vermella na veciña galaxia da Gran Nube de Magallanes.
• LH 54-425, estrela binaria formada por dúas grandes estrelas azuis moi próximas.
• Melnick 42, estrela masiva na Gran Nube de Magallanes.

Obxectos notables do espazo profundo

Ademais de ser visible nesta constelación a meirande parte da Gran Nube de Magallanes, pódense observa-los seguintes obxectos:

Galaxias

• NGC 1566, galaxia espiral vista de fronte.
• NGC 1672, tamén é unha galaxia espiral, do tipo Seyfert.

Cúmulos estelares

• NGC 1818, un cúmulo globular moi novo que forma parte da Gran Nube de Magallanes.
• NGC 1850, cúmulo aberto atípico.
• Cúmulos abertos NGC 1901, NGC 1910 e NGC 1978.

Nebulosas

• NGC 2070, 30 Doradus ou Nebulosa da Tarántula, de magnitude 8, unha rexión H II extremadamente luminosa na Gran Nube de Magallanes.
• NGC 2080, rexión de formación estelar tamén na Gran Nube de Magallanes.
• NGC 1748, outra rexión de formación estelar na veciña galaxia.
• NGC 2032 ou Nebulosa Gaivota, complexo de nebulosas que conten catro obxectos NGC diferentes: NGC 2029, NGC 2032, NGC 2035 e NGC 2040, sendo NGC 2035 o máis brillante.
• N44C, nebulosa de emisión cunha estrela principal que é excepcionalmente quente, cunha temperatura de 75.000 K.
• DEM L 106, nebulosa de reflexión tamén na Gran Nube de Magallanes.

Notas

1. Cambados Márquez, Xoaquín Evaristo. "Algunhas notas referentes ó nome galego estándar das constelacións" (PDF). Consultado o 12 de outubro de 2016.

Véxase tamén

Wikimedia Commons ten máis contidos multimedia na categoría:  Dorado

Ligazóns externas

• The Deep Photographic Guide to the Constellations: Dorado (en inglés)
• Peoria Astronomical Society - Dorado (en inglés)
• Star Tales – Dorado (en inglés)

Nomes Obsoletos de Constelacións

Apis | Phoenicopterus | Serpentarius | Vespa | Xiphias