Cosmódromo de Baikonur

O cosmódromo de Baikonur (en kazako: Байқоңыр ғарыш айлағы, Baıqońyr ǵarysh aılaǵy; en ruso: Космодро́м Байкону́р, Kosmodrom Baykonur) é unha base espacial situada no sur de Kazakhstán arrendada por Rusia.

Cosmódromo de Baikonur

(2009)
Epónimo	Baikonur
Localización
45°57′53″N 63°18′18″L
Estado	Kazakhstán
Provincia	Qyzylorda (pt)
Xeografía
Altitude	90 m
Creación	1955

Plataforma Gagarin no cosmódromo de Baikonur antes do lanzamento do Soiuz TMA-13, 10 de outubro de 2008

Características e historia

O cosmódromo é o primeiro espazoporto do mundo para lanzamentos de satélites e humanos e o maior espazoporto en superficie.^[1] A base está localizada na estepa desértica de Baikonur, arredor de 200 km ao leste do mar de Aral e ao norte do río Sir Daria. Está próximo á estación de tren de Tyuratam e a uns 90 m sobre o nivel do mar. O cosmódromo e a cidade de Baikonur celebraron o 63.º aniversario da súa fundación o 2 de xuño de 2018.^[2]

A base está alugada polo goberno de Kazakhstán a Rusia ata 2020, e está dirixida conxuntamente pola Corporación Estatal Roscosmos e as Forzas Aeroespaciais Rusas.

A área arrendada ten forma dunha elipse de 90 km de leste-oeste e 85 km de nore a sur, co cosmódromo situado no centro. Foi construído orixinariamente pola Unión Soviética a finais da década de 1950 como base de operacións do programa espacial soviético. Baixo o actual programa espacial ruso, Baikonur continúa a ser un espazoporto ocupado con numerosas misións comerciais, militares e científicas cada ano.^[3][4] Todos os voos espaciais rusos tripulados se lanzan dende Baikonur.^[5]

Tanto o Sputnik 1, primeiro satélite artificial, como o Vostok 1, primeiro voo tripulado, foron lanzados dende Baikonur. A plataforma de lanzamento que se empregou en ambas as misións rebautizouse como plataforma Gagarin en honra ao cosmonauta soviético Iuri Gagarin, piloto do Vostok 1 e primeiro humano no espazo.

Nome

Existe diversidade de opinións sobre a orixe do nome Baikonur. Algunhas fontes indican que o nome foi escollido deliberadamente en 1961 (na época do voo de Gagarin) para dirixir erroneamente o bloque occidental^[6][7] a un lugar situado a uns 320 km ao nordés do centro de lanzamento, a pequena localidade mineira de Baikonur, preto de Jezkazgan.

Outras fontes afirman que Baikonur era o nome da rexión de Tyuratam antes de que existise o cosmódromo.^[7] Leninsk, a cidade pechada construída para apoiar o cosmódromo foi renomeada Baikonur o 20 de decembro de 1995 por Boris Eltsin.

Notas

1. "Baikonur Cosmodrome 45.9 N 63.3 E". FAS.org. Federation of American Scientists (FAS). Arquivado dende o orixinal o 14 de agosto de 2016. Consultado o 19 de xullo de 2014.
2. "Baikonur cosmodrome celebrated 63rd anniversary". Dispatch News Desk (en inglés). 3 de xuño de 2018. Consultado o 19 de ourubro de 2018.
3. Wilson, Jim (5 de agosto de 2000). "Safe Launch For Critical Space Station Module". Popular Mechanics. Consultado o 12 de agosto de 2009.
4. "Baikonur Cosmodrome". International Launch Services.
5. "Baikonur Cosmodrome". NASA. Arquivado dende o orixinal o 01 de marzo de 2021. Consultado o 24 de decembro de 2011.
6. Suvorov, Vladimir (1997). The first manned spaceflight: Russia's quest for space. Nova Publishers. pp. 16–17. ISBN 978-1-56072-402-5.
7. "The Partnership: A History of the Apollo-Soyuz Test Project". NASA.

Véxase tamén

Wikimedia Commons ten máis contidos multimedia na categoría:  Cosmódromo de Baikonur

A Galipedia ten un portal sobre: Rusia

Bibliografía

• J. K. Golovanov, M., "Korolev: Facts and myths", Nauka, 1994, ISBN 5-02-000822-2
• "Rockets and people" – B. E. Chertok, M: "mechanical engineering", 1999. ISBN 5-217-02942-0 (en ruso)
• "A breakthrough in space" – Konstantin Vasilyevich Gerchik, M: LLC "Veles", 1994, – ISBN 5-87955-001-X
• "At risk," – A. A. Toul, Kaluga, "the Golden path", 2001
• "Testing of rocket and space technology – the business of my life" Events and facts – A.I. Ostashev, Korolev, 2001.Bibliography 1996–2004
• "Baikonur. Korolev. Yangel." – M. I. Kuznetsk, Voronezh: IPF "Voronezh", 1997, ISBN 5-89981-117-X
• "Look back and look ahead. Notes of a military engineer" – Rjazhsky A. A., 2004, SC. first, the publishing house of the "Heroes of the Fatherland" ISBN 5-91017-018-X.
• "Rocket and space feat Baikonur" – Vladimir Порошков, the "Patriot" publishers 2007. ISBN 5-7030-0969-3
• "Unknown Baikonur" – editado por B. I. Posysaeva, M.: "globe", 2001. ISBN 5-8155-0051-8
• "Bank of the Universe" – editado por Boltenko A. C., Kyiv, 2014., publishing house "Phoenix", ISBN 978-966-136-169-9
• Gruntman, Mike (2019). From Tyuratam Missile Range to Baikonur Cosmodrome. Acta Astronautica 155 (Elsevier Ltd). pp. 350–366. Bibcode:2019AcAau.155..350G. doi:10.1016/j.actaastro.2018.12.021.

Ligazóns externas

• Baikonur Cosmodrome historical note (in Russian) and historical pictures (2002) on buran.ru – NPO Molniya, maker of Russian space shuttle Buran.
• RussianSpaceWeb.com on Baikonur
• 360° interactive panoramas of Baikonur Cosmodrome
• Baikonur: the town, the cosmodrome, the MetOp-A launch campaign
• "World’s Oldest Space Launch Facility: The Baikonur Cosmodrome." Sometimes Interesting. 26 de maio de 2014
• Nedelin Disaster // RussianSpaceWeb.com (en inglés)
• The official website of the city administration Baikonur // Baikonur commemorated a test rocket and space technology.(en ruso)
• The Russian Union Of Veterans // Day of memory and grief.(en ruso)