Castelo, Culleredo

Santiago de Castelo^[1] é unha parroquia localizada no sueste do concello de Culleredo, marcadamente rural. Segundo o IGE en 2016 tiña 280 habitantes (143 mulleres e 137 homes) distribuídos en 6 entidades de poboación, o que supón unha diminución en relación ao ano 1999 cando tiña 329 habitantes.

Para outras páxinas con títulos homónimos véxase: Castelo.

Castelo
Hórreo en Vilaverde
Concello	Culleredo[1]
Provincia	A Coruña
Coordenadas	43°17′18″N 8°23′19″O
Poboación	264 hab. (2020)[2]
Entidades de poboación	6[1]
[ editar datos en Wikidata ]

Situación

Castelo sitúase ao carón do Monte Xalo (sendo a entrada a este cumio pola súa vertente de Culleredo) e do núcleo urbano do concello de Carral; ademais de lindar coa parroquia cullerdense de Celas de Peiro e tamén coa parroquia carralesa de Tabeaio.

Economía

As actividades económicas principais da parroquia son a agricultura e a gandería de autoabastecemento, minoritariamente representativas entre a poboación, traballando a meirande parte dos seus veciños fóra do lugar.

Patrimonio

• Igrexa de Santiago de Castelo, reproduce a tipoloxía das igrexas rurais erixidas durante os séculos XVII e XVIII.
• Capela de San Ramón, erguida no lugar onde existiu unha dedicada á Virxe do Vao.

Festas

Castelo vén celebrando dúas festas patronais anuais, reunindo varias das características das festas patronais galegas: dianas e alboradas, misas solemnes, verbenas etc.

• Festas de Santiago Apóstolo: varios días de festexos en torno ao 25 de xullo, festividade de Santiago Apóstolo.
• Festas de San Ramón: nos últimos anos celébranse o último venres, sábado e domingo do mes de agosto; sendo o venres o día grande dos festexos, onde destaca a celebración dunha gran churrascada popular.

Lugares e parroquias

Lugares de Castelo

Lugares da parroquia de Castelo no concello de Culleredo
Castelo de Abaixo | Castelo de Arriba | Donepedre | Folgueira | Vilaverde | Xalo | Xián

Parroquias de Culleredo

Galicia | Provincia da Coruña | Parroquias de Culleredo
Almeiras (San Xián) | O Burgo (Santiago) | Castelo (Santiago) | Celas (Santa María) | Culleredo (Santo Estevo) | Ledoño (San Pedro) | Orro (San Salvador) | Rutis (Santa María) | Sésamo (San Martiño) | Sueiro (Santo Estevo) | Veiga (San Silvestre)

Notas

1. DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.
2. Datos de poboación por parroquias-IGE

Véxase tamén

Outros artigos

• Lugares de Culleredo

Ligazóns externas

• FestasCastelo.com: web sobre as festas patronais de Castelo.
• CasteloDeporte.org: web da Asociación Castelo Deporte, entidade xuvenil sen ánimo de lucro con sede en Castelo que fomenta o deporte e a cultura rural entre a mocidade.