Calanoida
From Wikipedia, the free encyclopedia
From Wikipedia, the free encyclopedia
Calanoida (calanoides) é unha orde de copépodos, un grupo de artrópodos que son comúns no zooplancto. A orde inclúe unhas 46 familias cunhas 1800 especies de augas mariñas e doces.[2]
Os calanoides poden distinguirse doutros copépodos planctónicos porque a lonxitude das súas primeiras antenas é de polo menos a metade da lonxitude do corpo e as segundas antenas son birrámeas.[2] Porén, o seu trazo anatómico máis distintivo é a presenza dunha articulación entre o quinto e o sexto segmentos corporais.[3] Os espécimes máis grandes acadan os 18 mm de longo, pero a maioría non excede de 0,5-2,0 mm.[2]
A orde Calanoida contén as seguintes familias:[4]
Os copépodos calanoides son os animais dominantes no plancto en moitas partes dos océanos do mundo, constituíndo o 55–95% das mostras de plancto.[2] Son, por tanto, importantes en moitas redes tróficas, tomando a súa enerxía do fitoplancto e algas e "reempaquetándoa" para o seu consumo polos predadores dos niveis tróficos superiores.[2] Moitos peixes comerciais dependen dos copépodos calanoides para a súa alimentación tanto na etapa larval coma na forma adulta. Baleas como a balea de Groenlandia, o rorcual boreal, as baleas francas e o rorcual común dependen substancialmente dos copépodos calanoides como fonte de alimento.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.