Baroncelle, Abadín

Santiago de Baroncelle é unha parroquia pertencente ao concello de Abadín. Tiña 158 habitantes en 2015 (87 homes e 71 mulleres) segundo datos do IGE^[2]. Iso supón unha diminución da poboación respecto a 2014 cando vivían nas súas 12 entidades de poboación 165 veciños (92 homes e 73 mulleres).

Para outras páxinas con títulos homónimos véxase: Baroncelle.

Baroncelle
Igrexa vella de Baroncelle.
Concello	Abadín[1]
Provincia	Lugo
Coordenadas	43°18′N 7°30′O
Área	6,67 km²
Poboación	147 hab. (2019)
Densidade	22,04 hab./km²
Entidades de poboación	22[1]
[ editar datos en Wikidata ]

Xeografía

Ten unha superficie de 6,67 km². Limita coas parroquias de Aldixe, As Goás, Abeledo, Corvite e Moncelos; tamén coas de Árbol e Carballido do concello de Vilalba. Pertence ao arciprestado de Terrachá da diocese de Mondoñedo-Ferrol.

Entidades e poboación

Dos 22 lugares recollidos na toponimia oficial 12 son entidades de poboación, sendo a densidade media de poboación no 2015, de 23,69 hab/km².

As entidades co seu respectivo número de habitantes no 2006 son as seguintes: A Abelleira (12), O Asperón (27), Augalevada (26), A Casavella (15), O Castiñeiro (11), O Fondo (5), A Fonte do Mouro (9), Golpilleiras (4), A Uceira Grande (26), Vacaferreira (9), O Valado (3) e Vilatán (11).

Outros lugares (que xeralmente forman parte dalgunhas das entidades) son: Os Barreiros, Os Caseiros, Cornello, A Fraga, O Lodeiro, Piñeiro, Porto do Río, Ríos, Seminaus e A Uceira Pequena.

Patrimonio

Aparece documentado o arciprestado de Baroncelle nunha doazón de Afonso VII, do "Castrum Baroncelli" do ano 1132.

Existe unha antiga igrexa parroquial de Santiago de Baroncelle nunha fermosa paraxe na aldea da Casavella. A igrexa construíuse no século XVII. Actualmente atópase en estado ruinoso e pechada ao culto. Ten unha soa nave de planta rectangular con capela maior cuadrangular e sancristía acaroada. Sobre a fachada, pequena espadana dun so van. No seu interior un arco triunfal semicircular, retablo maior neoclásico, e dous retablos barrocos dos que destaca o retablo de San Rosendo, procedente da catedral de Mondoñedo.

Galería de imaxes

• 
  Lateral da igrexa vella.
• 
  Detalle frontal da igrexa vella.
• 
  Igrexa nova.
• 
  Cemiterio.
• 
  Porta do cemiterio.
• 
  Detalle do cemiterio.
• 
  Adro diante da igrexa.

Lugares e parroquias

Lugares de Baroncelle

Lugares da parroquia de Baroncelle no concello de Abadín (provincia de Lugo)
A Abelleira | O Asperón | Augalevada | Os Barreiros | A Casavella | Os Caseiros | O Castiñeiro | Cornello | O Fondo | A Fonte do Mouro | A Fraga | Golpilleiras | O Lodeiro | Piñeiro | Porto do Río | Ríos | Seminaus | A Uceira Grande | A Uceira Pequena | Vacaferreira | O Valado | Vilatán

Parroquias de Abadín

As dezanove parroquias que conforman o concello de Abadín.

Galicia | Provincia de Lugo | Parroquias de Abadín

Abadín (Santa María) | Abeledo (Santa María) | Aldixe (San Pedro) | Baroncelle (Santiago) | Cabaneiro (San Bartolomeu) | Candia (San Pedro) | Castromaior (San Xoán) | Corvite (San Pedro) | Fanoi (Santa María Madanela) | Fraiás (San Pedro) | Galgao (San Martiño) | As Goás (San Pedro) | A Graña de Vilarente (Santa María Madanela) | Labrada (San Pedro) | Moncelos (Santiago) | Montouto (Santa María) | Quende (Santiago) | Romariz (San Xoán) | Seivane de Vilarente (San Xoán)

Véxase tamén

Outros artigos

• Lugares de Abadín

Notas

1. Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.
2. IGE (ed.). "IGE - Nomenclátor de Galicia" (en galego). Arquivado dende o orixinal o 30 de decembro de 2020. Consultado o 11 de decembro de 2016.