Remove ads
O Banquete de Conxo, tamén coñecido como Banquete Democrático de Conxo, tivo lugar o 2 de marzo de 1856 na carballeira do antigo mosteiro do concello de Conxo, integrado dende 1925 no concello de Santiago de Compostela. O banquete foi organizado polos estudantes liberais en homenaxe ao terceiro estado, e constituíu un xesto de irmandade entre a clase traballadora e os estudantes.
Coincidindo co décimo aniversario dos Mártires de Carral (a sublevación de militares galegos contra o ditador Narváez que acabou co fusilamento de todos eles),[1] os organizadores do banquete buscaban promover unha xuntanza interclasista na que estivesen presentes estudantes e artesáns.[2] O acto suscitou o enfado dos sectores máis poderosos da Compostela da época.[3] Funcionou como un atentado contra o esquema social tradicional preconcibido, de modo que estudantes (de clases podentes, a maioría) e artesáns compartiron pan e mesa.
Organizado entre outros por Luís Rodríguez Seoane (que daquela tiña 19 anos de idade), sábese que ao banquete asistiron Aurelio Aguirre (22 anos) e Eduardo Pondal (21 anos). Alí recitaron, os tres, uns versos en castelán da súa autoría.[4] O brinde de Pondal foi publicado por La Oliva 24 días despois do banquete, o día 26 de marzo,[5] e de novo tralo seu pasamento, en 1917, no Boletín de la Real Academia Gallega.[6]
O Banquete de Conxo converteuse nun acontecemento de grande importancia simbólica e real dentro da historia de Galicia, transformándose nunha parte significativa da memoria colectiva. De aquí xurdiu a xeración que logo promoveu o Rexurdimento pleno da cultura galega.[7].
Aínda se especula se a poeta galega máis recoñecida, Rosalía de Castro, que nesa altura tiña 19 anos, estivo presente ou non, ao ser natural da vila e emigrar a Madrid cando comezaron as represalias contra os participantes do mesmo.[8]
Remove ads
En Santiago de Compostela o nome dunha rúa conmemora o evento: rúa do Banquete de Conxo.
En 2021 o grupo musical Verto incluíu un debuxo alegórico do banquete na portada do seu álbum Embora, deseñada por Mundo X.[9]
No 2022 o carballo do bosque do banquete de Conxo participou na competición Árbore europea do ano.[10]
Dilixencias contra a Xunta pola destrución do bosque
En 2024 un xulgado de Compostela e a Fiscalía Europea instruíron dilixencias penais contra a Xunta de Galicia por obras que ameazan o bosque do Banquete e a ribeira do Sar, zona Patrimonio Mundial da UNESCO. A Xunta foi acusada de incumprir os principios de boa xestión financeira dos fondos europeos, de prevaricación administrativa e delitos contra o patrimonio histórico-artístico polas obras que afectan o contorno do mosteiro de Conxo, declarado BIC.[11] Ecoloxistas en Acción e Conxo Aberto solicitaron a paralización cautelar para evitar danos maiores.[11]
Remove ads
 |
 |
 |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads