filme de 2001 dirixido por Zacharias Kunuk From Wikipedia, the free encyclopedia
Atanarjuat (en inuktitut: ᐊᑕᓈᕐᔪᐊᑦ) é un filme canadense de 2001 dirixido polo inuit Zacharias Kunuk e producido pola súa empresa Isuma Igloolik Productions. Foi a primeira longametraxe en ser escrita, dirixida e actuada completamente en lingua inuktitut. Ambientado no pasado antigo, o filme conta unha lenda inuit transmitida durante séculos a través da tradición oral. Conta a historia do personaxe do título, cuxo matrimonio coas súas dúas mulleres acarréalle a animosidade do fillo do líder do campamento, quen mata ó irmán máis vello de Atanarjuat e forza a Atanarjuat a fuxir a pé.
Atanarjuat | |
---|---|
Ficha técnica | |
Título orixinal | ᐊᑕᓈᕐᔪᐊᑦ |
Director | Zacharias Kunuk |
Produtor |
|
Guión | Paul Apak Angilirq |
Intérpretes |
|
Música | Chris Crilly |
Fotografía | Norman Cohn |
Montaxe |
|
Distribuidora | Odeon Films |
Estrea | Festival de Cannes: 13 de maio de 2001 12 de abril de 2002 |
Duración | 172 minutos |
Orixe | Canadá |
Xénero | Drama |
Orzamento | 1 960 000 CA$ (est.) |
Recadación | 5 998 310 dólares |
Na rede | |
O filme estreouse no Festival Internacional de Cinema de Cannes de 2001 en maio de 2001, e estreouse no Canadá o 12 de abril de 2002. Un grande éxito da crítica, Atanarjuat gañou a Caméra d'Or en Cannes, seis Premios Genie, incluíndo o premio a mellor filme. Foi escollido como candidato do Canadá para o Óscar ó mellor filme internacional na 74ª edición dos premios, mais finalmente non foi nomeado. Atanarjuat tamén foi un éxito comercial, converténdose no filme con maior recadación do Canadá no ano 2002, superando a comedia comercial Men with Brooms. Recadou máis de 5 millóns de dólares en todo o mundo. En 2015, unha enquisa de directores e críticos no Festival Internacional de Cinema de Toronto considerouno un dos mellores filmes canadenses de tódolos tempos.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.