From Wikipedia, the free encyclopedia
Aerodramus bartschi é unha especie de ave da subclase das neornites, infraclase dos neognatos, orde dos apodiformes, familia dos apódidos e tribo dos colocaliinos (que comprende as salanganas),[2] unha das vinte e seis integradas hoxe no xénero Aerodramus.
Aerodramus bartschi Salangana das Marianas | |||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|
Estado de conservación | |||||||||||||||||||||
![]() En perigo[1] | |||||||||||||||||||||
Clasificación científica | |||||||||||||||||||||
| |||||||||||||||||||||
Nome binomial | |||||||||||||||||||||
Aerodramus bartschi Mearns, 1909 | |||||||||||||||||||||
Sinonimia | |||||||||||||||||||||
|
A especie foi descrita en 1909 polo ornitólogo estadounidense Edgar Alexander Mearns,[3][4] co nome de Collocalia bartschi,[4] en Proceedings of the U.S. National Museum 36: 476.[5][6]
Antigamente se consideraba conespecífica con Collocalia inquieta (hoxe Aerodramus inquietus).[7][8]
Posteriormene foi clasificada por Mearns como especie independente dentro do xénero Collocalia como C. bartschi,[9] e máis tarde, reclasificada como a subespecie Aerodramus vanikorensis bartschi (Mearns, 1909);[4] finalmente foi elevada de novo á categoría taxonómica de especie co nome actualmente válido de Aerodramus bartschi (Mearns, 1909).[3]
Para a do xénero véxase Aerodramus.
O epíteto específico, bartschi, foi unha homenaxe que Mearns lle fixo ao malacólogo estadounidense de orixe alemá Paul Bartch (1871-1960).[10]
Ademais de polo nome válido actual, a especie coñeceuse tamén polos sinónimos:[4]
Na maioría dos idiomas a especie coñécese vulgarmente como salangana das Marianas e, ás veces, como salangana de Guam, coas adaptacións propias de cada lingua.
Segundo o Congreso Ornitolóxico Internacional (IOC) non se recoñece ningunha subespecie.[3][4]
Aerodramus bartschi mide uns 11 cm de lonxitude. A cabeza e as partes superiores do corpo son de cor parda agrisada. A garganta e a parte superior da peituga son de cor gris abrancazada, e o resto das partes inferiores son de cor gris máis escura. A plumaxe carece de brillo. A cola está algo fendida no centro da súa porción distal.
Esta especie, propia das illas Marianas, encóntrase en Guam, en Saipan e en Aguijan, nas illas Marianas do Norte,[6] e extinguiuse localmente nas illas de Rota e Tinian. Foi introducida con éxito en Oahu, no arquipélago de Hawai, a principios da década de 1960, pero a súa poboación alí é pequena.[12]
O seu hábitat natural son os bosques tropicais de terras baixas, as praderías e os mangleirais.[1]
Aniña en colonias de até centos de individuos no interior de covas, incluso en zonas de total escuridade, orientándose por ecolocación. Constrúe niños similares aos das outras salanganas colgados das paredes e dos teitos de covas calcarias. A posta consta dun só ovo, pero poden realizar máis dunha ao ano. Como outras salanganas pían e emiten clics que usan para ecolocalizar mentres se desprlazan polo interior das cavernas nas que crían e descansan. A maioría dos individuos deixan a colonia ao amencer para buscar alimento e regresan coa posta do sol para alimentar ás crías. Son cazadores aéreos que capturan insectos sobrevoando os bosques e as zonas costeiras.[12]
A Unión Internacional para a Conservación da Natureza e dos Recursos Naturais cualifica o status desta especie como LN (en perigro de extinción) porque sufriu un rápido descenso da súa poboación, debido sobre todo á depredación pola serpente Boiga irregularis,[1] introducida accidentalmente en Guam pouco despois da segunda guerra mundial, e antes de 1952, probablemente transportada nun barco de carga,[13][14] e, talvez, polo uso de pesticidas noutros lugares da súa área de dispersión. Existe o risco dun rápido declive se esta serpente coloniza Saipan, onde se concentra a maior parte da poboación da especie. Afortunadamente, hai poucas evidencias de que estas serpentes colonicen calquera illa fóra de Guam, e a cualificación da especie podería ser catalogada nunha categoría de menos risco despois dunha avaliación máis detallada desta ameaza.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.