Selección de fútbol de Cataluña
From Wikipedia, the free encyclopedia
A Selección de fútbol de Cataluña (en catalán: Selecció catalana de futbol) é o equipo formado por xogadores cataláns que representa á Federació Catalana de Futbol (FCF). Dado que non é membro da FIFA nin do Comité Olímpico Internacional, a selección absoluta catalá non pode participar en torneos oficiais, e só disputa partidos amigables non oficiais a nivel internacional. Porén, en categorías inferiores participa nas competicións oficiais que organiza a Real Federación Española de Fútbol, e desde 1999 a selección catalá de afeccionados disputa a Copa das Rexións da UEFA.
Cataluña | |||
---|---|---|---|
Actual campión da Copa do Mundo | |||
Actual campión da Eurocopa | |||
Actual campión da Copa de África | |||
Actual campión da Copa América | |||
Actual campión da Copa Ouro | |||
Actual campión da Copa Asiática | |||
Actual campión da Copa das Nacións da OFC | |||
| |||
| |||
Asociación | Federació Catalana de Futbol | ||
Confederación | |||
Código FIFA | |||
Alcume | La Selecció, La Segadora | ||
Clasificación FIFA | |||
Clasificación ConIFA | {{{Ranking ConIFA}}} | ||
Seleccionador | Gerard López | ||
Máis encontros | Sergio González Soriano (13) | ||
Máximo goleador | Mariano Martín Alonso (6) | ||
Estrea internacional Cataluña 0-7 Francia París, Francia; 21 de febreiro de 1912 | |||
Maior vitoria Cataluña 5-0 Nixeria | |||
Maior derrota Cataluña 0-7 España Barcelona; 13 de marzo de 1924 | |||
Ao longo da súa historia, o combinado catalán recibiu outros nomes como Federación catalá ou Selección de Barcelona, e durante varios anos estivo formada por un combinado de xogadores que procedían de equipos cataláns sen importar a súa nacionalidade. A partir de 1997, Cataluña pasa a seleccionar só xogadores que nazan na comunidade autónoma, ou residido a maior parte da súa vida nela. Desde a década de 1990 existen movementos políticos e sociais, encabezados polo goberno da Generalitat de Cataluña e diversas plataformas civís, que reivindican o recoñecemento do combinado catalán como selección nacional e a súa participación en competicións oficiais.[1]