O río Chamoso é un afluente do Miño que percorre os concellos de Castroverde, O Corgo e Lugo.
Datos rápidos Chamoso, País ...
Chamoso |
---|
Río Chamoso nas proximidades da ponte da Foz, preto da desembocadura no río Miño, entre os concellos de Lugo e O Corgo. |
País | España |
---|
Comunidade Autónoma | Galicia |
---|
Nacemento | Xunta dos regos da Esbaradoira e do Lameirón, preto do Vitureiro.[1] |
---|
Altitude | 618 m |
---|
Lonxitude | 31,82 km |
---|
Desembocadura | Río Miño |
---|
Altitude desembocadura | 356 m |
---|
Cadea fluvial | Río Chamoso, Río Miño |
---|
|
Conca do río Miño no territorio galego |
|
Pechar
Nace na xunta dos regos da Esbaradoira e do Lameirón, as súas cabeceiras, preto do Vitureiro, na parroquia de Montecubeiro, en Castroverde.[1]
Recibe ó río Romeán pola marxe dereita a altura da ponte de Galiñeiros, en Arxemil. En Abuín acondicionouse unha praia fluvial con merendoiros, ó pé da A-6 [1]. Recibe ó rego de Carballido pola marxe dereita fronte ó muíño da Herdeira, na parroquia de Laxosa, e durante varios quilómetros serve de límite entre os concellos do Corgo e de Lugo [1]. Desemboca no Miño pola súa marxe esquerda, ó pasar a ponte da Foz [1].
Afluentes do Río Chamoso por orde, dende o nacemento ata a desembocadura:
- Rego da Esbaradoira:[1] cabeceira pola marxe dereita.
- Rego do Lameirón:[1] cabeceira pola marxe esquerda.
- Rego de Pereiroá:[1] desemboca preto de Pereiroá (Castroverde) pola marxe esquerda.
- Rego de Rodinso:[1] desemboca ó pé do Castelo de Castroverde, fronte a Bolaño (Castroverde), pola marxe esquerda.
- Rego de Xubil:[1] desemboca en Bolaño (Castroverde), pola marxe dereita.
- Rego de Outeiro:[1] desemboca en Outeiro (Castroverde), pola marxe esquerda.
- Rego de Anguieiro:[1] desemboca preto de Gracián (Castroverde), pola marxe dereita.
- Rego de Caxín:[1] desemboca preto de Queizán de Abaixo (O Corgo), pola marxe esquerda.
- Rego da Moa:[1] desemboca preto das Aceñas (O Corgo), pola marxe esquerda.
- Río Romeán:[1] desemboca na ponte de Galiñeiros, en Arxemil (O Corgo), pola marxe dereita, a 13,15 km do Miño [1].
- Rego dos Rofideiros:[1] desemboca na praia fluvial, en Abuín (O Corgo), pola marxe esquerda.
- Rego do Carballido:[1] desemboca fronte ó muíño da Herdeira, na parroquia de Laxosa (O Corgo), pola marxe dereita.
- Regueiro de Paradela:[1] desemboca en Paradela (O Corgo), pola marxe esquerda, a 7,76 km do Miño [1].
- Rego de San Fiz:[1] desemboca preto de San Fiz (O Corgo), pola marxe esquerda.
A ponte da Foz, sobre o río Chamoso, preto da desembocadura no
río Miño, entre os concellos de
Lugo e
O Corgo.
Interior do
muíño que hai a carón da ponte da Foz, sobre o río Chamoso, preto da desembocadura no
río Miño, entre os concellos de
Lugo e
O Corgo.
Muíño localizado a carón da ponte da Foz, sobre o río Chamoso, preto da desembocadura no
río Miño, entre os concellos de
Lugo e
O Corgo.