![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9b/Salawin_river_at_Mae_Sam_Laep.jpg/640px-Salawin_river_at_Mae_Sam_Laep.jpg&w=640&q=50)
Río Salween
From Wikipedia, the free encyclopedia
O río Salween, coñecido na China oficialmente como río Nu, é un río duns 2815 km que flúe dende o altiplano do Tíbet ata o mar de Andaman en Asia do sueste.
Río Salween ᥑᥨᥒᥰ/ၶူင်း/Nu | |
---|---|
![]() O Salween formando a fronteira entre Myanmar e Tailandia | |
País | ![]() ![]() ![]() |
Nacemento | Montes Tanggula |
Lonxitude | 2815 km |
Conca | 324 000 km² |
Caudal medio | 4978 m3/s |
Desembocadura | Mar de Andaman |
![]() | |
![]() |
Este artigo amosa escritos birmanos. Sen o soporte axeitado, o texto pode mostrar símbolos sen sentido, coma caixas, marcas e outros. |
Drena unha estreita e montañosa conca dun 324 000 km2 que se estende pola China, Myanmar e Tailandia. A súa conca contén unha biodiversidade comparábel coa do río Mekong e é o fogar de sete millóns de persoas. En 2003, áreas clave da rexión foron declaradas pola UNESCO Patrimonio da Humanidade xunto coas Áreas Protexidas dos Tres Ríos Paralelos de Yunnan.[1]
Os pobos que viven no río Salween están relativamente illados do resto do mundo. O río só é navegábel nos primeiros 90 km dende a súa desembocadura, e tan só na estación das chuvias.
No século XX comezou a explotación forestal nas montañas arredor do Salween e danou a ecoloxía do río. Houbo tamén numerosas propostas de construír encoros no río, tanto na parte chinesa como na de Myanmar, que provocaron protestas sociais e ambientais e unha ampla oposición.[2][3]