Prefectura de Altai
Prefectura da China From Wikipedia, the free encyclopedia
A prefectura de Altai, en chinés 阿勒泰地区, en pinyin Ālètài Dìqū, en uigur ئالتاي ۋىلايىتى (transcrición: Altal Wilayiti), é unha división administrativa (prefectura) dependente da prefectura autónoma casaca de Ilí, situada no norte da rexión autónoma de Xinjiang, na República Popular da China.
Para outras páxinas con títulos homónimos véxase: Altai.
Comparte fronteira internacional coa veciña República de Altai, Rusia.
Situada a unha altitude media de 887 msnm, a prefectura ten unha superficie de 118 015 km².
A súa poboación, no ano 2010, era de 603 283 habitantes, polo que a súa densidade de poboación nese ano era de 5,11 hab./km².
A súa capital é a cidade de Altai, que contaba cunha poboación no ano 2016 de 199 037 habitantes.[1]
Clima
As temperaturas medias varían desde aproximadamente -16,1 °C durante o mes máis frío a +22,0 °C durante o mes máis quente, cunha media anual de 4,3 °C (datos de 1991), e as precipitacións son de 175,3 mm (dato de 1990).[2]
A prefectua de Altai administra unha cidade e seis condados:
- Cidade-condado de Altai 阿勒泰市
- Condado de Burqin 布尔津县
- Condado de Fuyun 富蕴县
- Condado de Fuhai 福海县
- Condado de Habahe 哈巴河县
- Condado de Qinggil 清河县
- Condado de Jeminay 吉木乃县
Do mesmo xeito que noutras prefecturas da Rexión Autónoma Uigur de Xinjiang, hai moitas minorías na de Altai, en particular casacos e uigures. No censo do ano 2000, a prefectura de Altai era a única subdivisión importante da prefectura autónoma de Ili Kazakh, cunha maioría étnica de casacos (aproximadamente o 51 %), seguida dos chineses han, con case o 41 %.
Nas escolas da prefectura, aos estudantes se lles imparten as clases principalmente en chinés (mandarín), pero hai cursos para estudar as linguascasaca e uigur.
En 2007 tiña un PIB de 9,9 millóns de renminbis, cunha taxa de crecemento do 12 %.
Localización da prfectura de Altai no Xinjiang
Localización da prefectura de Altai na prefectura autónoma de Ili Kazakh
Paisaxe estepario na prefectura de Altai
Vista panorámica dunha vila da prefectura
Movendo a iurta para os pastos de verán a principios de xullo no noroeste de China
.png)
.PNG)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
