![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ec/Mona_Lisa%252C_by_Leonardo_da_Vinci%252C_from_C2RMF_retouched.jpg/640px-Mona_Lisa%252C_by_Leonardo_da_Vinci%252C_from_C2RMF_retouched.jpg&w=640&q=50)
Pintura
práctica de aplicar pintura, pigmento, cor ou outro medio a unha superficie / From Wikipedia, the free encyclopedia
A pintura é a arte da representación gráfica utilizando pigmentos mesturados con outras substancias aglutinantes orgánicas ou sintéticas, en forma líquida a unha superficie bidimensional, co fin de coloreala, atribuíndolle matices, tons e texturas.[1] Nesta arte empréganse técnicas de pintura, coñecementos de teoría da cor e de composición pictórica, e o debuxo. Nun sentido máis específico, a práctica da arte de pintar, consiste en aplicar, nunha superficie determinada -unha folla de papel, un lenzo, un muro (pintura mural ou de frescos), unha madeira, un fragmento de tecido etc.- unha técnica determinada, para obter unha composición de formas, cor, texturas, debuxos etc. dando lugar a unha obra de arte segundo algúns principios estéticos.
![Thumb image](http://upload.wikimedia.org/wikipedia/commons/thumb/e/ec/Mona_Lisa%2C_by_Leonardo_da_Vinci%2C_from_C2RMF_retouched.jpg/640px-Mona_Lisa%2C_by_Leonardo_da_Vinci%2C_from_C2RMF_retouched.jpg)
![Thumb image](http://upload.wikimedia.org/wikipedia/commons/thumb/8/8d/Seraf%C3%ADn_Avenda%C3%B1o_1838-1916%2C_A_carreta_de_argazo.jpg/640px-Seraf%C3%ADn_Avenda%C3%B1o_1838-1916%2C_A_carreta_de_argazo.jpg)
![Thumb image](http://upload.wikimedia.org/wikipedia/commons/thumb/4/4f/VelazquezVenues.jpg/640px-VelazquezVenues.jpg)
![Thumb image](http://upload.wikimedia.org/wikipedia/commons/thumb/3/31/Claude_Monet_023.jpg/640px-Claude_Monet_023.jpg)
![Thumb image](http://upload.wikimedia.org/wikipedia/commons/thumb/c/c9/Amedeo-Modigliani_junge-frau-vom-montmartre_1.jpg/220px-Amedeo-Modigliani_junge-frau-vom-montmartre_1.jpg)
![Thumb image](http://upload.wikimedia.org/wikipedia/commons/thumb/8/8d/Pierre-Auguste_Renoir_-_Luncheon_of_the_Boating_Party_-_Google_Art_Project.jpg/640px-Pierre-Auguste_Renoir_-_Luncheon_of_the_Boating_Party_-_Google_Art_Project.jpg)
O arquitecto e teórico do clasicismo André Félibien, no século XVII, nun prólogo das Conferencias da Academia francesa fixo unha xerarquía dos xéneros da pintura clásica: «a historia, o retrato, a paisaxe, os mares, as flores e os froitos».
A pintura é unha das expresións artísticas máis antigas e unha das sete Belas Artes, e está incluída como materia na maior parte das licenciaturas nesta disciplina. En estética ou teoría da arte modernos a pintura está considerada como unha categoría universal que comprende todas as creacións artísticas feitas sobre superficies. Unha categoría aplicable a calquera técnica ou tipo de soporte físico ou material, incluíndo os soportes ou as técnicas efémeras así como os soportes ou as técnicas dixitais.
A pintura é considerada por moitos como un dos soportes artísticos tradicionais máis importantes; moitas das obras de arte máis importantes do mundo, tales como a Mona Lisa, son pinturas.
Diferénciase do deseño polo uso dos pigmentos líquidos e do uso constante da cor, mentres aquel apropiase principalmente de materiais secos.