![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b9/CubeLitre.svg/langgl-640px-CubeLitre.svg.png&w=640&q=50)
Litro
unidade de volume / From Wikipedia, the free encyclopedia
Un litro é unha unidade de volume equivalente a un espazo de 1 dm³ (1000 cm³). O seu símbolo é l, se ben en moitas ocasións se usa L para distinguir entre 'l' e '1' nalgunhas grafías, sendo aceptado o seu uso.
![Thumb image](http://upload.wikimedia.org/wikipedia/commons/thumb/b/b9/CubeLitre.svg/320px-CubeLitre.svg.png)
![Thumb image](http://upload.wikimedia.org/wikipedia/commons/thumb/9/9f/Messbecher.png/640px-Messbecher.png)
![Thumb image](http://upload.wikimedia.org/wikipedia/commons/thumb/e/ee/1000_ml_Erlenmeyer_flask.svg/320px-1000_ml_Erlenmeyer_flask.svg.png)
Porén, a unidade de volume do Sistema Internacional de Unidades (SI) é o metro cúbico (m³), e o litro equivale a unha milésima de metro cúbico. O símbolo L foi adoptado en 1979 na 16a Conferencia Xeral de Pesos e Medidas. Aínda que non é unha unidade de medida do Sistema Internacional, o SI acepta o seu emprego, se ben recomenda a utilización das unidades do SI no campo da ciencia.[1]
Trátase dunha unidade moi empregada na vida diaria e adoita usarse xunto con unidades do SI, tal e como se fai actualmente coas unidades da hora e do día.[2]
Un litro de auga líquida ten unha masa de case exactamente un quilogramo, xa que o quilogramo foi definido orixinariamente en 1795 como a masa dun decímetro cúbico de auga á temperatura de fusión do xeo. Definicións posteriores do metro e do quilogramo fixeron que esta relación deixara de ser exacta.[3][4]