John Terry
futbolista británico From Wikipedia, the free encyclopedia
futbolista británico From Wikipedia, the free encyclopedia
John George Terry, nado o 7 de decembro de 1980, é un futbolista profesional inglés. Terry xoga na posición de central no Chelsea, equipo da Premier League. Tamén foi capitán da selección de fútbol de Inglaterra dende agosto de 2006 ata febreiro de 2010, e dende marzo de 2011 ata febreiro de 2012.
| John Terry | |||
|---|---|---|---|
 Terry na Euro 2012. | |||
| Información persoal | |||
| Nome | John George Terry | ||
| Nacemento | 7 de decembro de 1980 | ||
| Lugar de nacemento | Barking | ||
| Altura | 1,87 m. | ||
| Posición | Defensa Central | ||
| Selección nacional | |||
| Anos | Equipo | Aprs | (Gls) |
| 2000–2001 | Inglaterra sub-21 | 9 | (1) |
| 1994–2006 | Inglaterra | 78 | (6) |
| Na rede | |||
    | |||
| [ editar datos en Wikidata ] | |||
Terry foi nomeado pola UEFA o mellor defensa do ano en 2005, 2008 e 2009.[1] Levou o premio PFA ao mellor xogador do ano en 2005,[2] e foi incluído no equipo do ano FIFPro durante catro anos consecutivos, dende 2005 ata 2008.[3][4][5]
Ademais, foi nomeado membro do equipo estelar da copa Mundial de fútbol de 2006, o único xogador inglés que accedeu a este equipo.[6] Leva o número 26 na camiseta do Chelsea.
Terry é o capitán máis exitoso do Chelsea, xa que conseguiu co equipo tres títulos da Premier League, catro FA Cups, dúas League Cups e unha UEFA Champions League dende 2004. É un dos cinco xogadores que fixeron máis de 500 aparicións co Chelsea e tamén é o defensor de maior anotación de todos os tempos do club.[7] No 2007, converteuse no primeiro capitán en levantar a FA Cup no novo estadio de Wembley na vitoria do Chelsea 1-0 ao Manchester United, e tamén o primeiro xogador en marcar un gol internacional nese estadio, marcando de cabeza con Inglaterra e empatando 1-1 contra o Brasil.[8]
Terry xogou inicialmente no Senrab, un equipo afeccionado dun distrito residencial do leste de Londres que lle deu varias estrelas ao fútbol inglés. Entrou no Chelsea aos 14 anos de defensa central.
Fixo o seu debut en xuño de 2003 contra Serbia e Montenegro e empezou o seu primeiro partido en Inglaterra contra Croacia nun partido amigábel. Na FIFA World Cup tivo o honor de ser o capitán en substitución de Michael Owen. En 2006 noméano capitán de Inglaterra sucedendo a Beckham; marcou un gol no seu debut pero non se clasificou para a EURO 2008. En 2007 é o primeiro xogador no equipo sénior de Inglaterra. Confírmase como capitán de Inglaterra. En 2010, por motivos da súa vida privada, o adestrador Fabio Capello substitúeo como capitán de Inglaterra.
Terry naceu en Barking, no leste de Londres, o 7 de decembro de 1980. Ten un irmán, Paul, tamén futbolista profesional. Terry e a súa muller, Toni, teñen dous xemelgos que naceron en 2006. Terry celebrou o seu nacemento marcando un gol para Inglaterra contra Hungría. No ano 2009 foi nomeado "papá do ano".
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
