Encefalina
From Wikipedia, the free encyclopedia
From Wikipedia, the free encyclopedia
Unha encefalina é un pentapéptido que intervén na regulación da nocicepción (sensación de dor) no corpo. As encefalinas denomínanse ligandos endóxenos, xa que son derivados formados internamente no corpo e únense aos receptores de opiáceos corporais. Atopáronse dúas formas de encefalina, descubertas en 1975, unha que contén leucina ("Leu") e outra que contén metionina ("Met"). Ambas as dúas son produtos do xene da proencefalina.[2]
 | |
| Estrutura tridimensional da Met-encefalina, cos carbonos alfa mostrados como bólas e etiquetados por residuo.[1] | |
Encefalina | |
| Identificadores | |
| Símbolo | PENK |
| Entrez | 5179 |
| HUGO | 8831 |
| OMIM | |
| RefSeq | NM_006211 |
| UniProt | P01210 |
| Outros datos | |
| Locus | Cr. 8 q23-q24 |
Hai tres familias ben caracterizadas de péptidos opiáceos producidos polo corpo: encefalinas, β-endorfina e dinorfinas. A secuencia do péptido Met-encefalina está codificada no xene da encefalina, mentres que a secuencia da Leu-encefalina está codificada tanto polo xene da encefalina coma polo xene da dinorfina.[3] O xene da proopiomelanocortina (POMC) tamén contén a secuencia da Met-encefalina no N-terminal da beta-endorfina, pero o péptido endorfina non é procesado para lugar a encefalina.
A encefalina é tamén considerada un neuropéptido, o cal no corpo humano actúa como unha importante molécula de sinalización no cerebro. As encefalinas atópanse en alta concentración no cerebro e nas células da medula adrenal. En resposta á dor a norepinefrina (ou noradrenalina), unha hormona que é activada na resposta de loita ou fuxida, libérase xunto con endorfinas.[4] Un estudo de 2017 indica que este polipéptido pode ser ligado ao funcionamento do cerebro durante a resposta ao estrés, especialmente no hipocampo e no córtex prefrontal. Esta investigación suxeriu que, como parte da resposta ao estrés, varios análogos da Met-encefalina incrementan a súa actividade no hipocampo, mentres que os análogos da Leu-encefalina e as somatostatinas son regulados á baixa durante o estrés. Os estresantes poden afectar aos neuropéptidos cuxa acción está localizada nunha rexión específica do cerebro.[5]
Os receptores da encefalina son os receptores opiáceos delta e receptores opiáceos mu. Os receptores opiáceos son un grupo de receptores acoplados á proteína G que teñen tamén outros opiáceos como ligandos. Os outros opiáceos endóxenos son as dinorfinas (que se unen a receptores kappa), endorfinas (a receptores mu), endomorfinas e nociceptina/orfanina FQ. Os receptores opiáceos son ~40 % idénticos aos receptores da somatostatina (SSTRs).[6][7][8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
