Córtex prefrontal

O córtex prefrontal ( PFC ) ou codia prefrontal é a parte anterior do lóbulo frontal do cerebro, situado por diante do córtex motor primario e do córtex premotor. Esta rexión do cerebro está relacionada coa planificación de comportamentos e pensamentos complexos, a expresión da personalidade, a toma de decisións e a modulación do comportamento social.^[1] A actividade básica desta rexión é o resultado de pensamentos e accións de acordo cos obxectivos internos.^[2][3]

Córtex prefrontal
Áreas de Brodmann en vista lateral. Segundo BrainInfo, as áreas #8, #9, #10, #11, #44, #45, #46 e #47 están todas na rexión anterior.
Latín	Cortex praefrontalis
Vascularización	arteria cerebral media ; arteria cerebral anterior seo saxital superior
Drenaxe venosa	seo saxital superior
MeSH	Prefrontal + Corteza

Termo

Os termos córtex prefrontal, literalmente do latín cortex (codia) praefrontalis e codia prefrontal son correctos.

Tanto cortiza ou corteza foron rexeitados.^[4]

Funcións

Función executiva

O proceso neuropsicolóxico máis importante relacionado co córtex prefrontal é a función executiva. Esta refírese ás habilidades para diferenciar pensamentos en conflito, consecuencias futuras das actividades actuais, traballar cara a un obxectivo definido, predición de feitos, expectativas baseadas na acción e control social. A planificación, a toma de decisións, o control inhibitorio, a atención e a memoria de traballo considéranse funcións que poden clasificarse como funcións executivas, cunha activación predominante do córtex prefrontal. O córtex prefrontal ten unha importante implicación para o comportamento social. As alteracións nas funcións relacionadas co córtex prefrontal conducen a unha maior impulsividade, agresividade e insuficiencia social.^[5]

Galería

Estas imaxes da área 10 de Brodmann dan unha idea clara dunha rexión particular do córtex prefrontal.

• 
  Animación.
• 
  Vista frontal.
• 
  Vista lateral.
• 
  Vista medial.