![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b3/Tractus_intestinalis_duodenum.svg/langgl-640px-Tractus_intestinalis_duodenum.svg.png&w=640&q=50)
Duodeno
primeira porción do intestino delgado / From Wikipedia, the free encyclopedia
O duodeno (do latín duodenum, de duodenum digitorum, "doce dedos", polo seu tamaño) é a primeira porción do intestino delgado que parte do estómago no ser humano e na maioría dos vertebrados superiores, incluíndo aos mamíferos, réptiles, e aves. Nos peixes, as divisións do intestino delgado non están claras, e adoitan usarse os termos intestino anterior ou intestino proximal en vez de duodeno.[1] Nos humanos, o duodeno ten a forma dun tubo oco curvado duns 25–38 cm de lonxitude e 4–5 cm de diámetro con forma de C, que conecta o estómago co xexuno (segunda porción do intestino delgado). Comeza no bulbo duodenal e acaba no ligamento de Treitz (músculo suspensorio do duodeno).[2] No duodeno vértese o quimo (alimentos parcialmente dixeridos) do estómago, as secrecións biliares hepáticas e as secrecións pancreáticas, xunto coas secrecións protectoras e encimáticas da propia parede duodenal.
Duodeno | |
---|---|
![]() | |
Diagrama esquemático do tracto gastrointestinal humano no que se resaltou o duodeno. | |
Latín | Duodenum |
Gray's | pág.1169 |
Arteria | Arteria pancreaticoduodenal inferior, Arteria pancreaticoduodenal superior |
Vea | Veas pancreaticoduodenais |
Nervio(s) | ganglio celíaco, vago |
Precursor | Intestino anterior (1ª e 2ª partws), Intestino medio (3ª e 4ª partes) |
MeSH | duodenum |
Dorlands/Elsevier | Duodenum |
![](http://upload.wikimedia.org/wikipedia/commons/thumb/1/14/Biliary_system_multilingual.svg/320px-Biliary_system_multilingual.svg.png)
![](http://upload.wikimedia.org/wikipedia/commons/thumb/7/75/Dogduodenum100x3.jpg/640px-Dogduodenum100x3.jpg)
![](http://upload.wikimedia.org/wikipedia/commons/thumb/1/15/Gray1100.png/320px-Gray1100.png)
![](http://upload.wikimedia.org/wikipedia/commons/thumb/5/54/Gray1058.png/320px-Gray1058.png)
O duodeno é a parte máis curta e de máis diámetro do intestino delgado, pero nel ten lugar a maior parte da dixestión química.[3] Nos mamíferos o duodeno pode ser o lugar principal de absorción do ferro.[4]