Denominación de Orixe Ribeira Sacra

A Denominación de Orixe Ribeira Sacra é unha das cinco cinco zonas con denominación de orixe para os seus viños existentes en Galiza. Os viñedos, cultivados en socalcos nas pendentes ladeiras dos ríos Miño e Sil, constitúen xa elas soas un atractivo turístico.

Amandi.

D.O. Ribeira Sacra
Industrias	89 [1]
Superficie	1 258 ha [1]
Viticultores	2 674 [1]
Produción uva	4 600 272 kg [1]
Viño cualificado	2 950 000 l [1]
Valor estimado	11 800 000 € [1]
Páxina web	www.ribeirasacra.com
Enderezo	Rúa do Comercio 6-8 Monforte de Lemos.

A D.O. Ribeira Sacra está dividida en 5 subzonas: Amandi, Chantada, Quiroga-Bibei, Ribeiras do Sil-Ourense e Ribeiras do Miño. As variedades de uva usadas son^[2]:

• Brancas preferentes: Albariño, Loureira, Treixadura, Godello, Dona Branca e Torrontés.
• Tintas preferentes: Mencía, Brancellao, Merenzao, Tempranillo, Sousón e Caíño tinto.
• Tintas autorizadas: Garnacha Tintorera e Mouratón.

Os viñedos ocupan 1.242 hectáreas. As 95 adegas, que ocupan algo menos de 3.000 traballadores, producen máis de 2 millóns de litros anuais.

O amparo dos ríos achega un microclima á zona, que coa orientación sur das pronunciadas ladeiras favorecen a correcta maduración que as uvas necesitan para a elaboración duns caldos que en xa en época dos romanos eran descritos como Ouro líquido do Sil.

Notas

1. "Os viños da nosa terra", separata de Faro de Vigo, 12/7/2015.

Véxase tamén

Ligazóns externas

• Páxina web do consello regulador