![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/52/G3_Santa_Maria%252C_l%2527adoraci%25C3%25B3_dels_Reis_i_la_Mare_de_D%25C3%25A9u_a_l%2527absis_central.jpg/640px-G3_Santa_Maria%252C_l%2527adoraci%25C3%25B3_dels_Reis_i_la_Mare_de_D%25C3%25A9u_a_l%2527absis_central.jpg&w=640&q=50)
Cor na arte
From Wikipedia, the free encyclopedia
A cor na arte é un aspecto moi importante das artes visuais ou plásticas, xunto con outros elementos como a luz, a atmosfera, o fondo e a forma, o formato, a materia, a liña, o punto, a mancha, a textura, o volume, o espazo, o movemento, etc.[2][3][4]
![]() | Este artigo ou sección precisa dunha revisión do formato que siga o libro de estilo da Galipedia. Pode axudar a mellorar este artigo e outros en condicións semellantes. |
![](http://upload.wikimedia.org/wikipedia/commons/thumb/5/52/G3_Santa_Maria%2C_l%27adoraci%C3%B3_dels_Reis_i_la_Mare_de_D%C3%A9u_a_l%27absis_central.jpg/640px-G3_Santa_Maria%2C_l%27adoraci%C3%B3_dels_Reis_i_la_Mare_de_D%C3%A9u_a_l%27absis_central.jpg)
![](http://upload.wikimedia.org/wikipedia/commons/thumb/e/ee/Aphaia_pediment_polychrome_model_W-XI_Glyptothek_Munich.jpg/640px-Aphaia_pediment_polychrome_model_W-XI_Glyptothek_Munich.jpg)
![](http://upload.wikimedia.org/wikipedia/commons/thumb/d/d5/David_von_Michelangelo.jpg/640px-David_von_Michelangelo.jpg)
![](http://upload.wikimedia.org/wikipedia/commons/thumb/2/20/Cornaro_chapel_in_Santa_Maria_della_Vittoria_in_Rome_HDR.jpg/640px-Cornaro_chapel_in_Santa_Maria_della_Vittoria_in_Rome_HDR.jpg)
![](http://upload.wikimedia.org/wikipedia/commons/thumb/c/c9/Garlanda_de_flors_amb_una_pintura_en_grisalla_i_amorets_pintant%2C_Miquel_Parra_i_Abril_%281780_-_1846%29.jpg/320px-Garlanda_de_flors_amb_una_pintura_en_grisalla_i_amorets_pintant%2C_Miquel_Parra_i_Abril_%281780_-_1846%29.jpg)
![](http://upload.wikimedia.org/wikipedia/commons/thumb/1/17/Double_headed_turquoise_serpentAztecbritish_museum.jpg/640px-Double_headed_turquoise_serpentAztecbritish_museum.jpg)
![](http://upload.wikimedia.org/wikipedia/commons/thumb/f/fb/Mosaic_Dragon_at_the_Entrance_to_Parc_G%C3%BCell_%284209214343%29.jpg/640px-Mosaic_Dragon_at_the_Entrance_to_Parc_G%C3%BCell_%284209214343%29.jpg)
![](http://upload.wikimedia.org/wikipedia/commons/thumb/c/c3/Santa_Maria_Novella.jpg/640px-Santa_Maria_Novella.jpg)
![](http://upload.wikimedia.org/wikipedia/commons/thumb/f/f8/Asamkirche_M%C3%BCnchen.jpg/640px-Asamkirche_M%C3%BCnchen.jpg)
![](http://upload.wikimedia.org/wikipedia/commons/thumb/d/d9/The_Peacock_Room.jpg/640px-The_Peacock_Room.jpg)
A cor ten efectos físicos e psicolóxicos comprobados, e diversas funcións, de atribución psicolóxica ou histórica, de connotacións semánticas (ás veces mesmo discrepantes coa realidade física, como é o caso das cores cálidas e frías e a temperatura da cor), de prestixio, etc., e algúns aspectos determinados pola técnica: Por exemplo a cerámica grega só usaba os pigmentos amarelo, vermello, branco e negro; nela as mulleres eran pintadas de branco, e os homes unhas veces de branco e outras de negro. Esa "tetracromía" (ás veces chamada "bicromía" cando se usa o vermello e o negro, ou mesmo cando se usan catro pigmentos, obviando o branco e o negro) na pintura da Grecia Antiga non se correspondía cos mosaicos ou murais, nos que chegaron a empregar azuis e verdes, o mesmo que nas esculturas, que eran polícromas; simplemente esas cores eran as que conseguían fixar na cerámica.
Porén, as estatuas clásicas que chegaron ás épocas do Renacemento e posteriores eran maiormente as de pedra branca, xa que as de bronce eran refundidas co tempo, e as de madeira perdéronse e só temos referencias delas a través de cadros e de escritos coma o Palladion.[5][6][7]
A cor na arte, ou en tanto que experiencia estética, é un campo propicio para a transdisciplinariedade e téñense feito aproximacións multidisciplinares desde a historia da arte e a historia en xeral, desde a lingüística, a fisioloxía e neuroloxía, neurobioloxía (ou neurociencia) e neuroestética, etc.