![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3c/Cocina_tradicional%252C_San_Juan_Achiutla%252C_Oaxaca%252C_M%25C3%25A9xico%252C_2020._02.jpg/640px-Cocina_tradicional%252C_San_Juan_Achiutla%252C_Oaxaca%252C_M%25C3%25A9xico%252C_2020._02.jpg&w=640&q=50)
Comal
From Wikipedia, the free encyclopedia
A palabra comal (do nahuatl comalli) utilízase en México e América Central para nomear un utensilio da cociña tradicional usado como prancha.
![Thumb image](http://upload.wikimedia.org/wikipedia/commons/thumb/3/3c/Cocina_tradicional%2C_San_Juan_Achiutla%2C_Oaxaca%2C_M%C3%A9xico%2C_2020._02.jpg/640px-Cocina_tradicional%2C_San_Juan_Achiutla%2C_Oaxaca%2C_M%C3%A9xico%2C_2020._02.jpg)
![Thumb image](http://upload.wikimedia.org/wikipedia/commons/thumb/5/5a/Comal2.jpg/640px-Comal2.jpg)
![Thumb image](http://upload.wikimedia.org/wikipedia/commons/thumb/a/ad/Vista_superior_de_un_comal_de_barro.jpg/640px-Vista_superior_de_un_comal_de_barro.jpg)
O comal tradicional dos pobos de México e América Central é unha peza de olaría con forma de prato chan. Colócase sobre tres ou catro pedras chamadas "tenamaxtles", a xeito de soporte, para poder acender lume e brasas por debaixo. Tradicionalmente utilízase para preparar varios tipos de pratos, en particular, tortillas de millo, tlayudas e totopos, entre outros.
Os comales de cerámica actuais adoitan recibir un tratamento superficial chamado "curado" ou "curación". Consiste en fregar o comal aínda sen usar cunha mestura de auga e cal e despois deixalo secar. Desta maneira, o comal tórnase antiadherente.
Coa introdución de sistemas de manufactura e produción, os comales tamén se fabrican en lámina metálica e adoitan ser máis grandes cós de cerámica. Algúns teñen unha depresión circular na parte central que serve para conter aceite ou manteiga líquidos, utilizados cando se efectúa a fritura de varios produtos alimenticios.