A Casa de la Seda, tamén chamada Casa do Gremio dos Veleiros, Casa Gremial da arte Maior da Seda ou Casa da arte Maior da Seda (en catalán: Casa del Gremi dels Velers) é unha edificación considerada Ben de interese cultural na súa categoría de Monumento dende o 2 de xuño de 1920[1] situada na cidade de Barcelona. Foi construída entre 1758 e 1763 como sede do gremio de tecedores de veos de seda, creado en 1553.[2][3] Algúns autores confunden o significado da palabra "veleiros", neste caso "fabricantes de veos de seda", coas persoas que se dedican á fabricación de velas para embarcacións.[4][5]
_Casa_del_gremi_dels_velers.jpg)
O edificio foi proxectado por Joan Garrido e conserva os esgrafiados orixinais do século XVIII nas fachadas suroeste, que dá á Vía Laietana, e sueste.[4] A outra fachada, que dá á praza de San Francisco, foi unha parede medianeira até a apertura da Vía Laietana, e coincidindo coa remodelación do edificio que dirixiu en 1930 o arquitecto Jeroni Martorell, o estucador Ferran Serra fixo outros esgrafiados imitando os antigos para harmonizar a imaxe do edificio resultante.[5][5][6] Na esquina hai unha imaxe da Inmaculada Concepción obra de Joan Enrich.[4]
O edificio é a sede do Colexio da arte Maior da Seda de Barcelona.[1] Nos últimos anos o edificio foi rehabilitado integramente, incluíndo no interior as dependencias do colexio e todas as salas e salóns, mobiliario e carpintarías, tapicerías, pergamiños e mapas, e no exterior do edificio levouse a cabo a limpeza e restauración das fachadas, os esgrafiados, contraventás, balcóns, a azotea e o vestíbulo.[7]
Fondo documental
O fondo documental do Colexio da arte Maior da Seda de Barcelona ingresou no Arquivo Histórico da Cidade de Barcelona (AHCB) o mes de novembro de 2012, como resultado da cesión en comodato e por vontade do propio CAMS. O fondo está identificado como fondo privado e, dentro deste grupo, como fondo de entidades, e inclúe documentos do Colexio da arte Maior da Seda, do Gremio de Veleiros de Seda, do Gremio de Tapiceiros e do Gremio de Pasamaneros.
Notas
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
