From Wikipedia, the free encyclopedia
A cardiopatía conxénita é un problema na estrutura do corazón presente no nacemento. Os signos e síntomas dependen tipo específico de problema. Os síntomas poden variar desde ningún ata síntomas que ameazan a vida.[1] Cando se producen os síntomas, poden incluír respiración rápida, pel azulada (cianose), dificultade para gañar peso e fatiga. A condición non causa dor no peito. Entre as posibles complicacións está a insuficiencia cardíaca.[2] A maioría dos problemas cardíacos conxénitos non ocorren xunto con outras enfermidades.[3]
Cardiopatia conxénita | |
---|---|
Sinónimos | anomalía cardíaca conxénita, doenza ou enfermidade cardíaca conxénita, defecto cardíaco conxénito |
Especialidade | Cardioloxía |
Síntomas | Respiración rápida, cianose, escaso aumento de peso, sensación de cansazo |
Complicacións | Insuficiencia cardíaca |
Inicio habitual | nacemento |
Tipos | Defecto cardíaco cianótico, defecto cardíaco non cianótico |
Causas | Moitas veces descoñecidas |
Factores de risco | infección por rubéola durante o embarazo, alcohol ou tabaco, os proxenitores están emparentados de xeito moi achegado, estado nutricional deficiente, estar tomando antidepresivos durante o embarazo ou obesidade da nai. |
Tratamento | procedementos con catéter, cirurxía cardíaca, transplante de corazón |
Frecuencia | 48,9 millóns no mundo (2015) |
Mortes | 303.300 (2015) |
Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico. |
A causa dun defecto cardíaco conxénito é en moitos casos descoñecida. Algúns casos poden orixinarse de infeccións durante o embarazo como como a rubéola, o consumo de certos medicamentos ou drogas como alcohol ou tabaco, o feito de que os proxenitores sexan parentes próximos, ou a mala alimentación ou a obesidade da nai.[4] Ter un familiar cun defecto cardíaco conxénito tamén é un factor de risco. Hai varias condicións xenéticas asociadas aos defectos cardíacos conxénitos, incluíndo a síndrome de Down, a síndrome de Turner e a síndrome de Marfan. Os defectos cardíacos conxénitos divídense en dous grupos principais: cianóticos e acianóticos, dependendo de se o neno ten ou non tendencia a ter a pel azulada. As enfermidades cardíacas poden afectar ás paredes internas do corazón, ás válvulas cardíacas ou aos grandes vasos sanguíneos que teñen orixe e destino no corazón.[1]
Os defectos cardíacos conxénitos pódense evitar en parte coa vacinación contra a rubéola, o consumo de sal iodado e ácido fólico. Algunhas enfermidades cardíacas non requiren tratamento.[1] Outros poden ser tratados eficazmente con procedementos de catéter ou cirurxía cardiovascular. Nalgúns casos, poden ser necesarias varias cirurxías. Noutros casos, transplantes de corazón poden ser necesarios.[5] Co tratamento axeitado, o prognóstico é xeralmente bo, mesmo para os problemas máis complexos.[1]
Os defectos cardíacos conxénitos son as enfermidades conxénitas máis comúns. En 2013, producíronse 34,3 millóns de casos en todo o mundo.[6] Afectan entre 4 e 75 nacidos vivos por cada 1000 nacidos, segundo os criterios diagnósticos.[7] Só entre 6 e 19 por 1000 causan problemas de moderados a graves.[8] As cardiopatías conxénitas son a principal causa de morte relacionada con enfermidades conxénitas. [7] En 2013 foron responsables de 323 000 mortes, e a pesar do aumento da poboación supón unha diminución das 366 000 de 1990.[9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.