Banato (rexión histórica)
From Wikipedia, the free encyclopedia
O Banato[1] (Banat en romanés e alemán, Банат / Banat en serbio, Bánát ou Bánság en húngaro) é unha rexión histórica do sueste de Europa, actualmente dividida entre tres países:
- Banato romanés, que pertence a Romanía (Timiş, Caraş-Severin, Arad e Mehedinţi).
- Banato serbio, que pertence a Serbia (en Voivodina e no distrito de Belgrado).
- Banato húngaro, que pertence a Hungría (ao condado de Csongrád).
É unha parte da chaira de Panonia, limitada polos ríos Danubio ao sur, Tisza ao oeste, Mureş ao norte e os Cárpatos meridionais ao leste. A súa capital histórica é a cidade de Timişoara, no distrito de Timiş, en Romanía.
O termo Banato designaba en principio a unha provincia fronteiriza gobernada por un ban.
No Reino de Hungría había varios banatos: o de Dalmacia, o de Bosnia e o de Croacia. Pero o Banato por antonomasia é o Banato de Timişoara (ou Banato de Temesvar) que, curiosamente, empezou a denominarse así tras o Tratado de Passarowitz (1718), cando non estaba gobernada por ningún ban.