![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5d/20110322_193829_Bacteria_SMB_UTI.jpg/640px-20110322_193829_Bacteria_SMB_UTI.jpg&w=640&q=50)
Bacteria grampositiva
bacteria que se tingue de azul escuro ou violeta coa tinguidura de Gram / From Wikipedia, the free encyclopedia
Unha bacteria grampositiva[1] é a que se tingue de azul escuro ou violeta coa tinguidura de Gram. As bacterias grampositivas reteñen no seu interior o colorante cristal violeta utilizado na tinguidura de Gram, porque están rodeadas por unha grosa capa de proteoglicano, que forma a súa parede celular. Diferéncianse nesta tinguidura das gramnegativas, que non reteñen o cristal violeta, pero si o colorante de contraste safranina ou fucsina, e tínguense de vermello ou rosa por teren unha estrutura da parede celular diferente con pouco peptidoglicano e unha membrana externa. As grampositivas non teñen esa membrana externa na parede.
![Thumb image](http://upload.wikimedia.org/wikipedia/commons/thumb/5/5d/20110322_193829_Bacteria_SMB_UTI.jpg/640px-20110322_193829_Bacteria_SMB_UTI.jpg)
Na literatura internacional a ortografía deste termo foi vacilante, aparecendo escrito separado ou unido con guión ou completamente fusionado, con maiúscula e con minúscula. En galego recomendouse a forma grampositiva[1] e hai referencias tamén de Gram-positiva[2] e gram-positiva[3]