Baamonde, Begonte

Santiago de Baamonde é unha parroquia que se localiza no concello de Begonte. Segundo o padrón municipal (INE 2016) ten 329 habitantes (163 homes e 166 mulleres), 47 menos ca en 2004 e 74 menos ca en 1999. Ten seis entidades de poboación.

Para outras páxinas con títulos homónimos véxase: Baamonde.

Baamonde
Igrexa de Santiago de Baamonde.
Concello	Begonte[1]
Provincia	Lugo
Coordenadas	43°10′31″N 7°45′23″O
Poboación	302 hab. (2019)
Entidades de poboación	8[1]
[ editar datos en Wikidata ]

Toponimia

O topónimo Baamonde ten orixe no nome de posuidor Badamundus (do xermánico *Badu "loita" e *Mund-, "man, protección") a través do xenitivo (Villa) Badamundi.^[2]

Situación

Está situado a carón da conexión da A-6 coa estrada N-634 e coa A-8. A estación de Baamonde de tren de Adif está situada na liña A Coruña-Palencia.

Patrimonio

A igrexa parroquial de Santiago é de orixe románica,^[3] e ao seu carón hai un calvario cun conxunto de tres cruceiros, o do centro con imaxes de Cristo e a Virxe Dolorosa.^[4] Na vila de Baamonde está a casa museo do escultor Víctor Corral.^[5] En Aldea de Arriba situábase a torre de Camarasa, declarada Ben de Interese Cultural a pesar da súa desaparición durante as guerras irmandiñas.^[6] O río Parga pasa pola parroquia. Ten unha praia fluvial a carón dun muíño, cunha presa que fai de piscina natural. Neste lugar encóntrase o Centro Recreativo Cultural e Deportivo de Baamonde.^[7]

Festas

A festa local celébrase o 11 de setembro, día da Virxe do Rosario.

Galería de imaxes

• 
  Igrexa de Santiago de Baamonde.
• 
  Calvario de Baamonde.
• 
  Estación de Baamonde.
• 
  Dolmen de Baamonde.

Lugares e parroquias

Lugares de Baamonde

Lugares da parroquia de Baamonde no concello de Begonte (Lugo)
Aldea de Arriba | Baamonde | A Chafareta | O Pazo | A Rega | Riocovo | A Silvosa | Vilasuso

Parroquias de Begonte

Galicia | Provincia de Lugo | Parroquias de Begonte

Baamonde (Santiago) | Baldomar (San Xoán) | Begonte (San Pedro) | Bóveda (Santalla) | Carral (San Martiño) | O Castro (Santa María) | Damil (San Salvador) | Donalbai (San Cristovo) | Felmil (Santiago) | Gaibor (San Xiao) | Illán (Santiago) | Saavedra (Santa María) | San Fiz de Cerdeiras (San Fiz) | San Martiño de Pacios (San Martiño) | San Vicente de Pena (San Vicente) | Santalla de Pena (Santalla) | Trobo (Santa María) | Uriz (Santo Estevo) | Virís (Santa Helena)

Notas

1. Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.
2. Martínez Lema, Paulo (2018). Toponimia de Begonte e Rábade. A Coruña: Real Academia Galega. p. 17. ISBN 978-84-947823-2-9.
3. "Patrimonio relixioso". Concello de Begonte.
4. Calvário de Baamonde na páxina web colaborativa Patrimonio Galego.
5. Baamonde, Begonte na páxina web colaborativa Patrimonio Galego.
6. Mancebo, Marta (8 de xuño de 2021). "Bens que resisten, outros que nin existen". El Progreso.
7. "Benvida". Centro Recreativo Cultural e Deportivo de Baamonde.

Véxase tamén

Outros artigos

• Lugares de Begonte

Ligazóns externas

• Asociación de Veciños "Montenegro" de Baamonde Arquivado 29 de maio de 2017 en Wayback Machine.
• Asociación Cultural Castiñeiro Milenario de Baamonde