Un astrónomo é un científico cuxa área de investigación é a astronomía.
Considérase o comezo da astronomía na antiga Babilonia polos seus sacerdotes. Estudos recentes dos gravados babilonios mostraron o coñecemento extremadamente preciso que posuían do seu ceo nocturno. Seguindo aos babilonios, os exipcios tamén facían especial fincapé na observación do ceo.
A combinación das interpretacións relixiosas do ceo, como lendas e mitos, conducen a unha dualidade que hoxe nós identificamos como astroloxía. É importante ter en conta que antes de 1750 aproximadamente non se facía distinción entre astronomía e astroloxía.
A diferenza da maioría de científicos, os astrónomos non poden manipular directamente os obxectos que estudan, e deben facer uso de detalladas observacións para os seus descubrimentos. Xeralmente, os astrónomos usan telescopios e outros instrumentos ópticos para as súas observacións.
Astrónomos famosos
| Astrónomo | Contribución |
|---|---|
| Hiparco e Tolomeo | Determinaron a posición dunhas 1000 estrelas brillantes, intentaron explicar misterios astronómicos sen renunciar ao modelo xeocéntrico do Universo comunmente establecido na súa época, e clasificaron as estrelas pola súa magnitude. |
| Aristarco de Samos | Primeira persoa que propuxo o modelo heliocéntrico do Universo. |
| Nicolás Copérnico | Apoiou o modelo heliocéntrico. |
| Galileo Galilei | Foi o primeiro astrónomo que usou o telescopio para observar o ceo. A Inquisición condenouno a arresto domiciliario polos seus descubrimentos, o cal foi levantado 359 anos despois polo Papa Xoán Paulo II. |
| Johannes Kepler | Suxeriu a órbita elíptica dos planetas, e propuxo leis sobre o seu movemento actualmente coñecidas como Leis de Kepler. |
| Isaac Newton | Publicou Philosophiae naturalis principia mathematica, tamén chamado os Principia, en (1687), contendo As leis de Newton do movemento, as cales son fundamentais para a mecánica celeste e explican as Leis de Kepler. predixo as órbitas dos planetas. |
| Subrahmanyan Chandrasekhar | Traballou nos mecanismos interiores das estrelas. É particularmente coñecido por determinar o efecto da relatividade especial nas estrelas, incluíndo o primeiro cálculo do límite de Chandrasekhar, sen calculadora, durante unha viaxe en barco. |
| Henrietta Swan Leavitt | Catalogou estrelas variables Cefeidas nas Nubes de Magallanes. En 1912 descubriu a relación entre luminosidade e periodicidade das Cefeidas - determinante para o posterior traballo de Hertzprung. |
| Ejnar Hertzprung | Determinou a distancia a varias Cefeidas, cando as estrelas eran detectadas noutras galaxias como Andrómeda, a distancia a esas galaxias quedaba determinada. |
| Edwin Hubble | Descubriu a expansión do universo. O telescopio espacial Hubble leva o seu nome no seu honor. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
