![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d6/Strauss_APZ.jpg/640px-Strauss_APZ.jpg&w=640&q=50)
Also sprach Zarathustra (Strauss)
From Wikipedia, the free encyclopedia
Also sprach Zarathustra, Op. 30 (en galego Así falou Zaratustra) é un poema sinfónico do compositor alemán Richard Strauss, composto no ano 1896 e estreado o 27 de novembro dese mesmo ano en Frankfurt baixo a batuta do propio compositor. Dura aproximadamente 40 minutos.
![Thumb image](http://upload.wikimedia.org/wikipedia/commons/thumb/d/d6/Strauss_APZ.jpg/640px-Strauss_APZ.jpg)
O autor inspirouse na obra homónima do filósofo Friedrich Nietzsche.[1] Adoita considerarse este poema sinfónico como un intento infrutuoso de expresar musicalmente as ideas filosóficas que encerraba a obra de Nietzsche, tentando presentar nada menos que a evolución humana ata o "superhome" descrito polo filósofo alemán; non obstante Strauss consegue presentar unha obra con fermosas e profundamente emotivas pasaxes.[2]
A obra foi parte do repertorio clásico desde a súa estrea en 1896. A fanfarria inicial (titulada "Amencer" nas notas do programa do compositor)[3] popularizouse co seu uso na película de Stanley Kubrick, 2001: Unha odisea do espazo (1968).