Alejo Diz Jurado

Alejo Diz Jurado, nado en Tui o 23 de setembro de 1885 e finado na mesma vila o 30 de outubro de 1936, foi médico e político galego.^[1]

Alejo Diz Jurado

Biografía
Nacemento	23 de setembro de 1885 Tui, España
Morte	30 de outubro de 1936 (51 anos) Tui, España
Causa da morte	pena de morte, fusilamento
Alcalde de Tui
1931 – 1931 – Benito Pérez Álvarez →
Alcalde de Tui
1918 – 1922 ← Servando Albuerne Menéndez-Conde
Datos persoais
País de nacionalidade	España
Educación	Universidade de Santiago de Compostela
Actividade
Ocupación	político , médico
Lingua	Lingua galega

Traxectoria

Fillo dos comerciantes Ignacio Diz e Gerarda Jurado, estudou no Colexio dos xesuítas de Camposancos, na Guarda. Fixo medicina na Universidade de Santiago de Compostela. Fundou e dirixiu o efémero semanario político satírico La Tetera,^[2] no que asinaba co pseudónimo Criticón B.^[1] Con este mesmo pseudónimo asinou as crónicas "De una ciudad del Miño", publicadas en La Raza de Pontevedra. Foi alcalde de Tui entre 1918 e 1922. Coa proclamación da Segunda República volveu ser alcalde de Tui en 1931. Afiliouse a Izquierda Republicana. En 1934 estivo en Dinamarca para investigar os sistemas de aseguramento sanitario en Centroeuropa e así valorar as posibilidades de implantación en España.^[3]

Vodas de prata da promoción de Medicina de 1907.

Logo do golpe de Estado do 18 de xullo de 1936 foi detido. Xulgado en consello de guerra en Vigo o 13 de outubro de 1936 acusado de rebelión militar, foi condenado a pena de morte. Fusilárono o 30 do mesmo mes, xunto á Alameda de Tui, con Darío Álvarez Limeses.^[2]

Vida persoal

Casou en 1915 con Concepción Rodríguez Caballero, coa que tivo seis fillos.

Notas

1. Bugarín González, Rosendo e Bugarín Diz, Carmen (2015). "Alejo Diz Jurado, médico tudense, impulsor do seguro de enfermidade" (PDF). Cadernos de Atención Primaria 21: 74–76.
2. Álvarez Blázquez, Darío (2005). "Diz jurado, Alejo". Gran Enciclopedia Galega Silverio Cañada (DVD). El Progreso. ISBN 84-87804-88-8.
3. "Para estudiar la implantación del seguro de socorro por enfermedad" La Vanguardia, 12/7/1934 (en castelán).

Véxase tamén

Wikimedia Commons ten máis contidos multimedia na categoría:  Alejo Diz Jurado

Bibliografía

• Añoveros Trías de Bes, Xabier; Martínez Gamallo, Loli (2007). Los alcaldes de Tui del siglo XX. Historia de la ciudad a través de los plenos municipales. Pontevedra: Deputación. ISBN 978-84-612-2481-4.
• Simón Lorda, David (2005) "Médicos represaliados en el Franquismo: Ourense y Galicia (1936-1959)"
• Simón Lorda, David (2012). "Recuperando a Memoria (histórica) na sanidade galega (IV): Galenos de Galicia: Guerra Civil e represión polo franquismo" (PDF). Cadernos de Atención Primaria 18: 84–90.

Predecesor: Servando Albuerne Menéndez-Conde	Alcalde de Tui  1918 - 1922	Sucesor: Venancio Lorenzo Álvarez
Predecesor: Francisco Baquero Pérez	Alcalde de Tui  1931	Sucesor: Benito Pérez Álvarez