Al-Hoceima
cidade de Marrocos From Wikipedia, the free encyclopedia
Al-Hoceima ou Alhucemas[1][2] (en árabe الحسيمة, Al-Hoceima que significa lavanda; en rifeño:ⴻⵍ-ⵃⵓⵙⵉⵎⴰ) é unha cidade capital da provincia homónima de Marrocos. Está situada na costa marroquí mediterránea, na parte oriental da baía de Alhucemas (ou de Al-Hoceima) e xunto ao Peñón de Alhucemas. Atópase, en liña recta, a uns 155 quilómetros ao leste de Ceuta e a 100 km ao oeste de Melilla.
Para outras páxinas con títulos homónimos véxase: Al-Hoceima (homónimos).
Para outras páxinas con títulos homónimos véxase: Alhucemas (homónimos).
| الحسيمة (ar) ⵍⵃⵓⵙⵉⵎⴰ (tzm)  | ||||
| ||||
| Localización | ||||
|---|---|---|---|---|
| ||||
| Monarquía constitucional | Marrocos | |||
| Rexión | Tánxer-Tétouan-Al Hoceïma | |||
Province of Morocco (en)  | Provincia de Al-Hoceima | |||
| Capital de | ||||
| Poboación | ||||
| Poboación | 56.716 (2014) | |||
| Número de fogares | 13.881 (2014) | |||
| Xeografía | ||||
| Altitude | 37 m | |||
| Creación | 1925 | |||
| Outro | ||||
| Irmandado con | ||||
| Páxina web | alhoceima.info | |||
 | ||||
A actual Al-Hoceima tivo a súa orixe nun asentamento precario no século XVII, pero non foi ata despois do desembarco de Alhucemas levado a cabo polas tropas españolas durante a guerra do Rif (1926) que se creou a actual poboación. Con todo, daquela chamóuselle Villa Sanjurjo, na honra do xeneral Sanjurjo, un dos protagonistas dese desembarco.
Durante a II República pasou a denominarse Villa Alhucemas, aínda que logo o réxime franquista restituíu novamente o nome de Villa Sanjurjo, que xa se mantivo durante o resto do protectorado español, ata o ano 1956 en que Marrocos accedeu á independencia. A partir desa data pasou a chamarse Al-Hoceima, en árabe, segundo a denominación marroquí.
Como legado da cultura española, quedan na vila numerosos edificios construídos durante a época do protectorado. Así, atópase nesta cidade o Colexio Español Melchor de Jovellanos, dirixido polo Estado español. Este conta cunha arquitectura similar a edificios do sur de España e foi en orixe un cuartel militar.
Na actualidade é unha cidade de vacacións de verán, frecuentada polo turismo, na súa maioría do norte de Europa, debido ás súas fermosas praias, en especial Praia Quemado, e á beleza da súa contorna, entre a cordilleira do Rif e as augas do Mediterráneo. Ten instalacións turísticas destacadas, como o Club Med, o complexo Chafarinas ou o Hotel Mohamed V.
Con todo, a cidade atópase afastada do nivel de desenvolvemento do resto do Marrocos turístico, cunha importante falta de infraestruturas e de promoción. Á marxe das estradas que chegan á cidade, no verán establécese un servizo marítimo que comunica a cidade con Málaga, nun treito de aproximadamente unhas 11 horas.
Al-Hoceima e os seus arredores sufriron un importante sismo de 6,5 graos na escala Richter o 24 de febreiro de 2004, que causou graves danos materiais e provocou a morte de cando menos 560 persoas.
Malia que se estima en 60 000 habitantes a súa poboación, non se pode saber con exactitude, pois existe un alto índice de poboación que vive no campo.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
