Primož Roglič

Primož Roglič (Trbovlje, 29 oktober 1989) is in Sloveensk hurdfytser en in earder skânsspringer en wie trije kear winner fan de Omgong fan Spanje.

Primož Roglič
sporter
Primož Roglič (2017)
persoanlike bysûnderheden
echte namme	Primož Roglič
nasjonaliteit	Sloveensk
bertedatum	29 oktober 1989
berteplak	Trbovlje
lingte	177 sm
gewicht	65 kg
sportive ynformaasje
sport	Hurdfytsen, Skânsspringen (2003-2011)
ûnderdiel	Klimmer, Tiidriden
O.S.	Rio de Janeiro 2016, Tokio 2020 (2021)
debút	2003
wichtige prestaasjes
Omgong fan Spanje (2019-2021) (3x), Olympyske Simmerspullen (2020)

Karriêre

Skânsspringen

Roglič begûn yn 2003 mei skânsspringen. Yn 2006 pakte Roglič op it wrâldkampioenskip skânsspringen foar junioaren de sulveren medalje yn de lannewedstriid. ^[1] In jier letter pakte er mei it Sloveenske team de wrâldtitel by de junioaren. ^[2] Roglič persoanlike rekôr by it skânsspringen is 146,5 meter, dat sprong er yn 2007 yn Planica. Fanwegen in swiere fal moast Roglič yn 2011 in punt efter syn karriêre yn it skânsspringen sette. By syn refalidaasje rjochte Roglič him op it hurdfytsen, wêrnei't bliken die dat er goed meikomme koe yn it peloton. ^[3]

Hurdfytsen

Fan 2013 oant en mei 2015 kaam Roglič út foar Adria Mobil, dêr't er in tal lytsere omgongen en klasseminten wûn. Foar it seizoen 2016 stapte Roglič oer nei de Nederlânske ploech LottoNL-Jumbo dy't yn 2019 oer gie yn Jumbo-Visma.

Yn 2016 fytste Roglič syn earste grutte omgong, Yn de Omgong fan Itaalje wist er de tiidrit yn de 9e etappe te winnen. Hast twa wiken nei de Giro waard Roglič Sloveensk nasjonaal kampioen tiidriden, wêrmei't er him kwalifisearre foar de Olympyske Simmerspullen yn Rio. Yn 2017 die Roglič foar it earst mei oan de Omgong fan Frankryk en wûn de 17e etappe. Hy wie dêrmei de earste Sloveen dy't in etappe wist te winnen yn de Omgong fan Frankryk. Yn 2018 en 2020 soe er yn de top tsien yn einigje yn de Omgong fan Frankryk. Yn 2019 die Roglič wer mei oan de Omgong fan Itaalje en behelle syn earste poadiumplak yn in Grutte omgong. Yn de Omgong fan Spanje pakte Roglič de einoerwinning, de earste fan trije oerwiningen yn de Vuelta. Oan de ein fan seizoen 2023 makke Roglič bekend dat hy yn 2024 net mear by Jumbo-Visma ride soe, en dat hy de oerstap makke nei BORA-hansgrohe foar minimaal ien seizoen.

Dielnimming oan grutte omgongen

Dielnimming oan de Omgong fan Frankryk

• 2017 - 38e; winner 17e etappe.
• 2018 - 4e; winner 19e etappe.
• 2020 - 2e; winner 4e etappe.
• 2021 - Net finisht
• 2022 - Net finisht
• 2024 - Net finisht

Dielnimming oan de Omgong fan Spanje

• 2019 - 1e; winner 10e etappe.
• 2020 - 1e; winner 14e etappe.
• 2021 - 1e; winner 1e, 8ste, 10e en de 13e etappe.
• 2022 - Net finisht; winner 4e etappe
• 2023 - 3e; winner 8ste en de 17e etappe

Dielnimming oan de Omgong fan Itaalje

• 2016 - 58e; winner 9e etappe.
• 2019 - 3e; winner 1e en de 9e etappe.
• 2023 - 1e; winner 20ste etappe

Ploegen

• 2013-2015 - Adria Mobil
• 2016-2018 - Lotto NL-Jumbo
• 2019-2023 - Jumbo-Visma
• 2024- - BORA-hansgrohe

Boarnen, noaten en referinsjes